Юбілейным медалём у гонар 70-годдзя Перамогі ў Вялікай Айчыннай вайне мае быць узнагароджана каля 70 тысяч чалавек.
Па словах прадстаўніка Міністэрства абароны Уладзіміра Макарава, большасць з іх ужо атрымалі медалі.
Паводле леташняга ўказа Аляксандра Лукашэнкі, прадугледжавалася ўзнагароджанне ветэранаў Вялікай Айчыннай вайны, былых вязняў канцлагераў, а таксама «вайскоўцаў, работнікаў дзяржаўных органаў і іншых асобаў, якія ўнеслі значны ўклад у арганізацыю мерапрыемстваў, прысвечаных 70-годдзю Перамогі».
Паводле статыстыкі Міністэрства працы і сацыяльнага развіцця, па стане на 1 студзеня 2015 года ў Беларусі заставалася 17 773 ветэраны (з іх 12 002 удзельнікі вайны). Былых вязняў турмаў, канцлагераў і гета налічвалася 25 994 чалавекі. Агулам гэта 43 767 з 70 000 узнагароджаных.
Такім чынам, чыноўнікі, цяперашнія вайскоўцы і іншыя арганізатары святаў атрымаюць больш за 26 тысяч медалёў.
