Іранскі рэжысёр, якога асудзілі на восем гадоў, таемна пакінуў краіну
У сваім інстаграме ён напісаў, што знаходзіцца ў бяспечным месцы
Іранскі рэжысёр Махамад Расулаў заявіў, што таемна збег з краіны пасля таго, як суд прысудзіў яго да васьмі гадоў турэмнага зняволення. У сваім інстаграме ён напісаў, што знаходзіцца ў бяспечным месцы, піша Бі-бі-сі.
У рамках конкурснай праграмы Канскага кінафестывалю, які адкрываецца ў аўторак, адбудзецца прэм'ера фільма Расулава «Насенне свяшчэннага інжыра».
Адвакат рэжысёра Бабак Пакнія паведаміў, што Расулаў мае намер адправіцца ў Каны, каб прадставіць свой фільм.
На мінулым тыдні Ісламскі рэвалюцыйны суд Ірана прысудзіў рэжысёра да васьмі гадоў турэмнага зняволення па абвінавачванні ў змове супраць нацыянальнай бяспекі.
«Маштабы і інтэнсіўнасць рэпрэсій дасягнулі такой ступені жорсткасці, што людзі кожны дзень чакаюць навін аб чарговым жахлівым злачынстве [іранскага] ўрада», — напісаў рэжысёр у Instagram.
Расулаў неаднаразова трапляў у поле зроку праваахоўных органаў Ірана.
Пасля выхаду фільма «Зла няма» ў 2020 годзе рэжысёр быў прызнаны вінаватым у антыўрадавай прапагандзе і атрымаў яшчэ адзін год турмы.
Цяпер чытаюць
У Пскове расіянін забіў беларуса Валерыя за тое, што той патрабаваў паважаць беларускую нацыю3
Каментары