Жыхар Гродна падманам атрымаў ад дзвюх жанчын звыш $ 15 тыс., паведаміў БелТА афіцыйны прадстаўнік упраўлення Следчага камітэта па Гродзенскай вобласці Сяргей Шаршаневіч.
У махлярстве падазраецца мужчына 1984 года нараджэння. У дачыненні да яго распачата крымінальная справа.
«З заявай у органы ўнутраных спраў звярнулася жыхарка абласнога цэнтра. У перыяд з лістапада 2018 года па красавік 2019-га мужчына, злоўжыўшы яе даверам, на розных падставах выкраў амаль $ 2,3 тыс. і планшэт коштам $ 200», - распавёў Сяргей Шаршаневіч.
Высветлілася, што мужчына аналагічным чынам са жніўня па лістапад 2014 года выкраў звыш $ 13 тыс. яшчэ ў адной жыхаркі Гродна.
Мужчына раней ужо прыцягваўся да крымінальнай адказнасці. Сталага месца працы ён не мае. Для забеспячэння кампенсацыі нанесенай шкоды і маёмасных спагнанняў накладзены арышт на маёмасць, у тым ліку і на квадрацыкл, які быў набыты на выкрадзеныя грошы.
Следчыя сумесна з аператыўнымі супрацоўнікамі міліцыі працягваюць выяўляць грамадзян, якія маглі пацярпець ад падазраванага. Звяртацца з адпаведнымі заявамі можна па тэлефонах: (8-015) 72-41-39, 72-40-40 або 102.
Цяпер чытаюць
Упершыню за чатыры гады Белстат апублікаваў звесткі аб нараджальнасці і смяротнасці. Даныя жахаюць39
Упершыню за чатыры гады Белстат апублікаваў звесткі аб нараджальнасці і смяротнасці. Даныя жахаюць
Навуковец распавёў пра геалагічныя загадкі Беларусі: іртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў99
Каментары