Фанатаў Макса Каржа, якія прайшлі маршам па Гродне, не будуць караць
Фанатаў Макса Каржа, якія прайшлі маршам па Гродне, не будуць прыцягваць да адказнасці, пра гэта паведамляе тэлеграм-канал «Гродзенскія злівы». У міліцыі дадзеную інфармацыю пацвердзілі парталу TUT.BY.
Шэсце прыхільнікаў Макса Каржа, якое прайшло 25 жніўня ў абласным цэнтры, спачатку прызналі несанкцыянаванай акцыяй.
У той дзень каля 20 прыхільнікаў Макса Каржа прайшліся па вуліцы Савецкай у Гародні. Такім чынам маладыя гарадзенцы спадзяваліся звярнуць увагу свайго куміра і запрасіць яго ў Гродна, бо апошні раз Макс Корж выступаў тут ажно ў 2015 годзе. Напярэдадні, 24 жніўня, у Мінску адбыўся канцэрт выканаўцы, на які прыйшлі каля 35 тысяч гледачоў.
— Праз адсутнасць складу адміністрацыйнага правапарушэння адміністрацыйны працэс спынены, — пракаментавала прэс-сакратар МУС Вольга Чамаданава.
Азаронак напісаў пра палітэмігранта — пасля гэтага брата і бацьку таго кінулі за краты2
Каментары