Грамадства4343

Доктар: У рэанімацыях Мінска ў красавіку памерлі 117 чалавек з каранавірусам. Мінздароўя: Журналіст не так зразумеў лічбы

Раней невядомыя лічбы агучыў загадчык аддзела анэстэзіялогіі, рэанімацыі і інтэнсіўнай тэрапіі Мінскага НПЦ хірургіі, транспланталогіі і гематалогіі Аляксандр Дзядзько. Кавалак яго выступу апублікаваў у фэйсбуку бізнэсмен Кірыл Валошын.

З дыяграмы відаць, што на працягу красавіка ў Мінску ў рэанімацыю трапілі 436 чалавекі з каранавіруснай інфекцыяй. З іх 265 чалавек (61%) было пераведзена ў іншыя аддзяленні, 54 чалавекі (12%) на канец месяца працягвалі знаходзіцца ў рэанімацыі.

Астатнія 117 чалавек (27%) памерлі.

«А што ў нас? За красавік падлічылі даныя ў Мінску. У нас лятальнасць склала 27%, што супастаўна з тымі лічбамі, якія прадаставілі замежныя спецыялісты», — кажа Аляксандр Дзядзько.

Разам з тым, паводле афіцыйных звестак Мінздароўя на 1 мая, на ўсёй тэрыторыі Беларусі налічылі толькі 93 памерлых пацыентаў «з шэрагам хранічных захворванняў з выяўленай каранавіруснай інфекцыяй».

Насельніцтва Мінска складае прыкладна 22% ад насельніцтва Беларусі. Паводле афіцыйнай статыстыкі, колькасць памерлых ад COVID-19 у маі ў краіне перавысіла лічбы за сакавік-красавік, разам узятыя. Па стане на сёння Мінздароўя заяўляе пра 190 памерлых ад COVID-19.

Дапоўнена: у 21:04 у тэлеграм-канале Мінздароўя з'явіўся афіцыйны адказ, са спасылкай на таго ж Дзядзько. Ён сцвярджае, што журналісты яго не так зразумелі.

Маўляў, па-першае, лічба памерлых уключае «не толькі выпадкі пацверджанай інфекцыі COVID-19, але і тыя верагодныя выпадкі, калі ў працэсе ўдакладняючай дыягностыкі дыягназ каранавірус быў зняты і былі выяўлены пнеўманіі іншай этыялогіі».

Па-другое, лічба нібыта ўключае ў сябе ўсіх памерлых ад сакавіка і нават часткова смерці ў маі (бо, маўляў, пасмяротная дыягностыка займае ад 7 да 14 дзён).

«Лічбы былі прыведзены для спецыялістаў», — падсумоўвае Мінздароўя.

***

Чытайце таксама: Новыя лічбы з Віцебска праліваюць святло на «Вялікую беларускую каранавірусную статыстычную анамалію»

Афіцыйная беларуская статыстыка радыкальна разыходзіцца з данымі з краін Еўропы з высокім узроўнем жыцця і развітой медыцынай. Так, у Швецыі і Швейцарыі, дзе колькасць выяўленых хворых прыкладна супадае з беларускай, колькасць памерлых дасягнула 3925 і 1923 адпаведна (Швейцарыя ўводзіла строгія каранцінныя абмежаванні, а Швецыя — нястрогія).

Што датычыць 27-працэнтавай смяротнасці, то варта патлумачыць, што гаворка толькі пра пацыентаў, якія трапляюць у рэанімацыю, а гэта вельмі малы працэнт ад агульнай колькасці хворых.

Поўную версію запісу вэбінара можна было пабачыць тут, але пасля нашай публікацыі доступ да яго закрылі:

«Наша Ніва» будзе далей разбірацца ў дадзенай тэме.

Каментары43

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

СК апублікаваў відэазапіс падзення беспілотніка. На абломках паказалі ўкраінскія надпісы33

СК апублікаваў відэазапіс падзення беспілотніка. На абломках паказалі ўкраінскія надпісы

Усе навіны →
Усе навіны

Украінскія беспілотнікі атакавалі буйны чыгуначны вузел у Растоўскай вобласці2

«Дзеці растуць з адчуваннем, што быць беларусам пачэсна, як выпускніком Гарварда». У Батумі дзейнічае беларускамоўная школа — вось як гэта працуе8

Стральба ў хмарачосе на Манхэтане: забітыя чатыры чалавекі, стралок застрэліўся

Глутамат натрыю ізноў набірае папулярнасць. Магчыма, яно і някепска?6

Ціханоўская падпявала гімну Літвы14

Двухгадовае дзіця загрызла кобру да смерці8

Як дроны залятаюць з Беларусі ў Літву? У iSANS расказалі, што вядома1

«У нас супольны вораг — імперская Расія». Ціханоўская выступіла на мітынгу ў падтрымку Украіны32

Ціханоўскі: Прыехаў бы і паціснуў Трампу руку35

больш чытаных навін
больш лайканых навін

СК апублікаваў відэазапіс падзення беспілотніка. На абломках паказалі ўкраінскія надпісы33

СК апублікаваў відэазапіс падзення беспілотніка. На абломках паказалі ўкраінскія надпісы

Галоўнае
Усе навіны →

Заўвага:

 

 

 

 

Закрыць Паведаміць