Пасэйдон (Poseidon). Застацца ў жывых (Stay Alive).
Патоплены фільм
Пасэйдон (Poseidon).
ЗША, 2006, каляровы, 99 хв.
Жанр: фільм-катастрофа.
Адзнака: 3 (з 10).
Аграмадная акеанская хваля накрывае карабель «Пасэйдон», які перакульваецца дагары нагамі. Купка герояў шукае выйсьця зь небясьпечнае пасткі.
Карціна Вольфгана Пэтэрсана «Пасэйдон», якая паўтарае сюжэт знакамітага катастрофніка 1972 году, ганебна тоне. І ў гэтым няма анічога дзіўнага. За 34 гады сьвет радыкальна зьмяніўся.
Калі ў колішніх «Прыгодах «Пасэйдона» рэй вёў аўтарытарны прапаведнік, то ў фільме Пэтэрсана галоўны вызваляльнік – картачны махляр (Джош Лукас). Калі ў даўняе стужцы меліся канфлікты, то ў «Пасэйдоне» ўсё зводзіцца да млявых сварак дачкі з бацькам (Эмі Росум і Курт Расэл).
Мёртвая карціна.
Графіня з кампутарных гульняў
Застацца ў жывых (Stay Alive).
ЗША, 2006, каляровы, 85 хв.
Жанр: моладзевая жахаўка.
Адзнака: 4,5 (з 10).
Група падлеткаў з Новага Арлеану грае ў крутую кампутарную гульню «Застацца ў жывых». Але пасьля сьмерці ў віртуальнай прасторы героі гінуць у рэальнасьці.
Сюжэт фільму не вылучаецца навізною. Але цымус карціны ў фігуры забойцы. Пазнаёмцеся – графіня Эржэбэт Батары (паміж іншым – сваячка Сьцяпана Батуры!) – крывавая маньячка. Яе несупакоеная душа адрадзілася ў кампутарнай гульні і перасьледуе няшчасных падлеткаў.
Асабліва рэкамэндую карціну зацятым кампутарным гульцам.
«Таня, мы з табой!» Улады запусцілі флэшмоб у падтрымку жанчыны ў чырвона-зялёным ВІДЭА27
Каментары