Страх дзяцінства: у кватэры ў Нясвіжы разлілі ртуць, давялося выклікаць ратавальнікаў
Ртуць пралілася з разбітага танометра.
Скрыншот відэа МНС
7 лістапада МНС атрымала паведамленне пра разлітую ртуць у кватэры ў Нясвіжы. На месца выехалі спецыялісты радыяцыйнай і хімічнай абароны.
Ратавальнікі сабралі 25 грамаў ртуці і адходаў, якія яе ўтрымліваюць.
Пасля збору ртуці і нейтралізацыі магчымых рэшткаў у цяжкадаступных месцах кватэры з дапамогай спецыяльных рэагентаў, а таксама праветрывання памяшканняў, быў праведзены замер канцэнтрацыі пароў ртуці ў паветры. Перавышэння дапушчальнай канцэнтрацыі не зафіксавана, паведамляе МНС.
Крыніцай выцеку стаў ртутны сфігмаманометр — гэта значыць апарат для вымярэння ціску.
Каментары