Тыль Швайгер расказаў, у якім жанры зняў бы фільм пра Беларусь. Вы здзівіцеся
Вядомы нямецкі акцёр і рэжысёр даў у Мінску прэс-канферэнцыю.
Швайгер прыехаў у Беларусь для здымак рэкламнага роліка пра дрыфт. Акцёр наведаў нашу краіну ўпершыню.
«Мне было цікава прыехаць у Беларусь — у Расіі быў разоў дзесяць, а ў вас — ні разу, — таму што водгукі чуў толькі самыя лепшыя», — расказаў Швайгер.
Акцёр заявіў, што перад паездкай у Беларусь шукаў у інтэрнэце інфармацыю пра плошчу нашай краіны і колькасць насельніцтва. Прагуляцца па знакавых славутасцях Мінска ён не паспеў з-за насычанага графіку. Але ён пакаштаваў беларускую кухню — яна яму спадабалася.
Акрамя таго, ён звярнуўся па дапамогу да беларускага доктара для прызначэння вітамінаў — пасля гэтага Швайгер «як нанова нарадзіўся», піша БелТА.
Рэжысёр таксама расказаў, які фільм мог бы зняць пра Беларусь.
«Гэта абсалютна дакладна быў бы экшн. Паводле сюжэта — помста галоўнага героя за забітую жонку», — патлумачыў Швайгер. У такой задуме нехта можа пабачыць і адсылкі да сённяшняй палітычнай сітуацыі і лёсу тысячаў палітзняволеных.
Ён дадаў, што плануе яшчэ калі-небудзь вярнуцца ў Беларусь.
Тыль Швайгер вядомы па ролях у фільмах «Дастукацца да нябёсаў», «Бясслаўныя вырадкі», «Красунчык» і многіх іншых.
-
Венядзіктаў: «У адным з абменаў, пра які гучна не казалі», Украіна вызваліла некалькі дзясяткаў беларускіх наёмнікаў
-
Памёр былы намеснік старшыні Брэсцкага аблвыканкама Леанід Цупрык
-
Пальчыс пра ліст Калеснікавай і Золатавай: «За ўсё добрае, супраць усяго дрэннага», але ў рэальнасці гэта пакіне 9 мільёнаў у лакальным КНДР
Цяпер чытаюць
Бабарыка, Золатава і яшчэ некалькі дзясяткаў былых палітвязняў заклікалі еўрапейскіх лідараў актыўней дамаўляцца наконт вызваленняў43
Каментары