Здарэнні

У Гомелі зноў асудзілі кіроўцу, які п'яным насмерць збіў дзяцей, адседзеў, выпіў — і зноў збіў насмерць

У Гомелі вынеслі прысуд 46-гадоваму Уладзіміру Ганчарову, які летам збіў дваіх непаўналетніх веласіпедыстаў — дзяўчына ад атрыманых траўмаў памерла на месцы. І гэта не першае смяротнае ДТЗ мужчыны: некалькі гадоў таму пры такіх жа абставінах ён збіў пяцярых дзяцей у Ветцы, піша Tut.by.

Фота Алены Бычковай, Tut.by

Ганчарову далі сем гадоў калоніі ва ўмовах агульнага рэжыму з прымусовым лячэннем ад алкагалізму.

Акрамя гэтага, пацярпелым бакам — 17-гадоваму Арцёму і маці загінулай Крысціны — выплацяць у якасці кампенсацыі маральнай шкоды 75 і 50 тысяч рублёў адпаведна.

Але плаціць гэтыя грошы павінна будзе жонка Ганчарова: яна ў судзе была грамадзянскім адказчыкам, бо з'яўляецца ўладальніцай машыны, на якой абвінавачаны здзейсніў смяротнае ДТЗ.

Жанчына пазоў не прызнала: паведаміла суду, што ў яе такіх грошай няма, прынесла даведкі з працы аб памеры заробку — ён не перавышае 300 рублёў.

Ганчароў прасіў суд не патрабаваць з жонкі грошай. «Ва ўсім вінаваты толькі я. Хай усё вешаюць на мяне і з мяне ўсё вылічваюць, буду выплачваць да канца свайго жыцця».

Трагедыя адбылася 18 ліпеня мінулага года недалёка ад аэрапорта Гомель. Ганчароў на сваіх «Жыгулях» з'ехаў на правую абочыну і там збіў 16-гадовых веласіпедыстаў Крысціну і Арцёма. Дзяўчыну адкінула на праезную частку дарогі, дзе на яе наехаў іншы аўтамабіль — Alfa Romeo. Ад атрыманых траўмаў яна памерла на месцы. Хлопца з траўмамі даставілі ў бальніцу. Пазней экспертыза ўстанавіла: Ганчароў быў п'яны, у яго крыві выявілі больш за два праміле алкаголю.

А потым аказалася, што некалькі гадоў таму Ганчароў ужо адседзеў за аналагічнае ДТЗ. У кастрычніку 2008 года ён, п'яны і без правоў, пратараніў у Ветцы кампанію дзяцей — тады загінулі два хлопчыкі, 10 і 13 гадоў. Пры гэтым кіроўца нават не спыніўся: пакінуў дзяцей паміраць на асфальце, прыехаў дадому і лёг спаць.

Ганчарова тады прысудзілі да сямі гадоў пазбаўлення волі (гэта было максімальнае пакаранне).

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

На вайне ва Украіне загінуў былы дырэктар двух аршанскіх заводаў4

На вайне ва Украіне загінуў былы дырэктар двух аршанскіх заводаў

Усе навіны →
Усе навіны

Сяргей Ціханоўскі прыедзе на фэст «Тутака» на Падляшшы10

Bild публікуе «сакрэтны спіс» зброі, якую Украіна просіць у Германіі6

У 2026 годзе беларусы будуць адпачываць меней, чым у гэтым годзе

Ціханоўская — Трампу: Лукашэнку трэба пакараць, а не заахвочваць40

Пажар у Пухавіцкім раёне, дзе загінулі ўнучка і бабуля, быў выкліканы падпалам1

Беларус знайшоў рэдкую манету. За яе даюць ужо 18 тысяч рублёў, але таргі працягваюцца6

22-гадовы каліновец Ціхан «Франц» Клюкач атрымаў кантузію3

25 гадоў таму быў выкрадзены тэлеаператар Дзмітрый Завадскі1

У Віцебску асвоілі будаўніцтва тэхнічнага флота: зрабілі ўласны цеплаход4

больш чытаных навін
больш лайканых навін

На вайне ва Украіне загінуў былы дырэктар двух аршанскіх заводаў4

На вайне ва Украіне загінуў былы дырэктар двух аршанскіх заводаў

Галоўнае
Усе навіны →

Заўвага:

 

 

 

 

Закрыць Паведаміць