Цела былога міністра траспарту Расіі і экс-губернатара Курскай вобласці Рамана Старавойта было знойдзена ў суботу 5 ліпеня, паведаміла крыніца выдання РБК у сілавых структурах. Раней паведамлялася, што чыноўнік застрэліўся пасля таго, як 7 ліпеня з'явілася паведамленне пра яго адстаўку.
Па словах гэтай крыніцы, па справе гібелі Старавойта будуць прызначаныя экспертызы — балістычная і медыцынская, якія дапамогуць высветліць прычыну гібелі. Адна з асноўных версіі здарэння — самагубства.
«На месцы здарэння былі канфіскаваныя сляды, якія могуць мець значэнне па справе», — адзначыў суразмоўца.
Пра тое, што Раман Старавойт памёр у ноч з суботы на нядзелю, паведамляе і выданне Forbes. Калі інфармацыя гэтага выдання дакладная, то чыноўнік быў ужо мёртвы на той момант, калі днём у нядзелю Мінтранс паведаміў, што Старавойт нібыта правёў аператыўную нараду ў сувязі з уцечкай аміяку на танкеры Eco Wizard у порце Усць-Луга.
«У сітуацыйна-інфармацыйным цэнтры Мінтранса прайшла аператыўная нарада па гэтым інцыдэнце пад старшынствам міністра транспарту Рамана Старавойта», — гаварылася ў паведамленні ведамства.
Ускосна пацвердзіў версію, што Раман Старавойт застрэліўся яшчэ да афіцыйнага звальнення з пасады, кіраўнік камітэта Дзярждумы па абароне Андрэй Картаполаў, які сказаў выданню RTVI, што гэта адбылося «даволі даўно».
Цікава, што, каментуючы сёння на брыфінгу адстаўку Рамана Старавойта, прэс-сакратар прэзідэнта Расіі Дзмітрый Пяскоў заявіў, што ён пакінуў пасаду міністра транспарту не з прычыны страты даверу. Маўляў, у падобных выпадках у прэзідэнцкім указе адкрыта пазначаецца такая фармулёўка, а ў дакуменце аб адстаўцы такога не было.
Цяпер чытаюць
19‑гадовы курсант Акадэміі МУС набіў сабе на лбе мішэнь і паехаў штурмаваць Запарожжа. Ідэя спрацавала6
Каментары