У Беларусі апошнім часам сталі актыўней судзіць за ўдзел у пратэстах
Праваабаронцы атрымліваюць інфармацыю, што ў апошнія месяцы сталі актыўней выстаўляць абвінавачванні паводле «народнага» артыкула 342 КК (арганізацыя або ўдзел у дзеяннях, што груба парушаюць грамадскі парадак), піша «Вясна».
Фота ілюстрацыйнае
Гэта, на думку праваабаронцаў, звязана з тым, што хутка міне 5 гадоў з моманту акцый пратэсту, а значыць скончыцца тэрмін даўніны прыцягнення да адказнасці паводле гэтага крымінальнага артыкулу, пасля чаго іх удзельнікаў нельга будзе асудзіць.
Праўда, і пасля гэтай даты працягнецца пераслед паводле арт. 293 КК (удзел у масавых беспарадках).
Вядома, што судовыя справы паводле арт. 342 КК апошнія тыдні пастаўленыя амаль на канвеер.
Каментары