Дзяўчына адкрыла ў старой сельскай школе пад Слуцкам рэтра-музей
Фатографка і мастачка Марыя Сідарэнка адкрыла пад Слуцкам рэтра-музей з беларускай назвай «Натхненне». Ён размясціўся ў старой драўлянай школе вёскі Навадворцы. У планах дзяўчыны зрабіць з гэтага месца папулярную арт-прастору з майстар-класамі і тэматычнымі вечарынамі.
Дзяўчына нарадзілася ў вёсцы і ў гарадах «не прыжылася». Таму калі ў райвыканкаме ўхвалілі арэнду старой сельскай школы, дзе Марыя сама паспела павучыцца, па вушы залезла ў яе ператварэнне.
Пра шлях развіцця арт-прасторы Марыя падрабязна расказвае ў сацсетках. Большую частку рамонту яна рабіла сваімі рукамі, з маленькай памочніцай-дачкой. Немалая доля рэтра-экспанатаў у музеі — з дамоў сваякоў дзяўчыны: напрыклад, дыванок, які раней вісеў у доме яе таты.
Дзверы для наведнікаў музей адчыніў толькі ў маі, але там ужо паспелі правесці і рэтра-вечарыну, і ноч музеяў, і кінапаказы, а таксама майстар-класы па маляванні, нейрасетках і вечаровую ёгу пры свечках.
Характэрна, што ў музеі Марыі ўсе экспанаты дазволена кранаць рукамі — гэта сапраўдны цуд для гасцей дзіцячага ўзросту, якія ўпершыню бачаць жыўцом старыя тэлефоны, плэеры-касетнікі і бабуліны тэлевізары.
Уваход у сам музей на гэты момант — за добраахвотны данат. Мерапрыемствы маюць асобны прайс.
-
«Ніхто не ведае, ці зможа здрадзіць блізкім людзям, калі пачнуць біць токам». Дудзінскі — пра свой новы раман, дабро і зло
-
Палітвязень Вацлаў Арэшка сустрэў за кратамі 71‑ы дзень нараджэння. Калядную паштоўку яму візуальна апісвалі іншыя
-
Святлана Ціханоўская паведаміла літоўскім парламентарыям пра рашэнне пераехаць у Польшчу
Цяпер чытаюць
«Пайшлі нах*й вы і ваш «Бацька», пі***асы!» П'яныя прыгоды зрабілі армяніна Ярванда палітвязнем. Цяпер ён змагаецца з праблемамі ў Польшчы13
Каментары