СТБ пра змены ў Канстытуцыю: Ёсць планы, каб права галасаваць было ў людзей ад 20 да 70 гадоў
Канстытуцыйная камісія на чарговым пасяджэнні разгледзела змены ў асноўны закон краіны.
Канстытуцыйная камісія
«Што тычыцца выбарцаў, то ёсць планы, каб права галасаваць было ў людзей ад 20 да 70 гадоў», — паведаміла вядучая Сталічнага тэлебачання.
«Прадстаўнікі Канстытуцыйнай камісіі таксама лічаць гэта аптымальным, паколькі маладыя людзі ўжо паспеюць сфармавацца як асобы і будуць здольныя рэальна ацэньваць сітуацыю. А старэйшае пакаленне пры прыняцці важнага рашэння яшчэ праяўляе актыўнасць у грамадска-палітычным жыцці краіны, і на іх выбар ніяк не можа паўплываць стан здароўя», — прагучала такая аргументацыя.
На гэты момант выбарчае права ёсць ва ўсіх грамадзян, старэйшых за 18 гадоў.
«Главное»: хто стаіць за найбольшай сеткай рэгіянальных тэлеграм-каналаў Беларусі. Яе сляды вядуць у Расію4
Каментары