Сцвярджаецца, што яны выкарыстоўвалі спецыяльна створаны рэсурс, праз які куплялася і прадавалася крыптавалюта, а разлік за яе праводзіўся пераважна наяўнымі. Таксама ў прэс-рэлізе гаворыцца, што работа ў абменніку вялася ананімна і была запатрабаваная «беларускімі суб'ектамі ценявой эканомікі».
У КДК заяўляюць, што такім чынам у мінулым і бягучым годзе з-за мяжы на пастаяннай аснове пераводзіліся грошы фондам, праваабарончым цэнтрам і НКА, якія нібыта падтрымлівалі пратэсты.
Паведамляецца, што ўдзельнікі «падазроных пераводаў» былі вызначаныя.
Па фактах ухілення ад выплаты падаткаў у дачыненні да пяці грамадзян Беларусі заведзеная крымінальная справа. Прычыненую дзяржаве шкоду ацэньваюць у больш чым 8 млн рублёў.
Двое з фігурантаў, у тым ліку і арганізатар, паводле інфармацыі КДК, пражываюць у краінах Еўрасаюза (Польшчы і Эстоніі). У дачыненні да траіх фігурантаў, якія знаходзяцца на тэрыторыі Беларусі, абраная мера стрымання ў выглядзе заключэння пад варту.
У іх канфіскавалі больш за 200 тысяч даляраў і 65 тысяч еўра, на разліковых рахунках у банках, у тым ліку замежных, заблакавалі сродкі на суму больш за 370 тысяч даляраў. Накладзены арышт на маёмасць і транспартныя сродкі.
Сцвярджаецца, што грамадзяне, фонды і арганізацыі, якія атрымлівалі грошы праз крыптаабменнік, таксама вызначаны.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)