КДК выявіў 5 крыптавалютчыкаў, якіх абвінавачвае ў фінансаванні пратэстаў
Паводле інфармацыі прэс-службы КДК, дзейнасць жыхароў Мінска і Еўрасаюза па абмене крыптавалют была выяўленая і спыненая Дэпартаментам фінансавых расследаванняў.
Сцвярджаецца, што яны выкарыстоўвалі спецыяльна створаны рэсурс, праз які куплялася і прадавалася крыптавалюта, а разлік за яе праводзіўся пераважна наяўнымі. Таксама ў прэс-рэлізе гаворыцца, што работа ў абменніку вялася ананімна і была запатрабаваная «беларускімі суб'ектамі ценявой эканомікі».
У КДК заяўляюць, што такім чынам у мінулым і бягучым годзе з-за мяжы на пастаяннай аснове пераводзіліся грошы фондам, праваабарончым цэнтрам і НКА, якія нібыта падтрымлівалі пратэсты.
Паведамляецца, што ўдзельнікі «падазроных пераводаў» былі вызначаныя.
Па фактах ухілення ад выплаты падаткаў у дачыненні да пяці грамадзян Беларусі заведзеная крымінальная справа. Прычыненую дзяржаве шкоду ацэньваюць у больш чым 8 млн рублёў.
Двое з фігурантаў, у тым ліку і арганізатар, паводле інфармацыі КДК, пражываюць у краінах Еўрасаюза (Польшчы і Эстоніі). У дачыненні да траіх фігурантаў, якія знаходзяцца на тэрыторыі Беларусі, абраная мера стрымання ў выглядзе заключэння пад варту.
У іх канфіскавалі больш за 200 тысяч даляраў і 65 тысяч еўра, на разліковых рахунках у банках, у тым ліку замежных, заблакавалі сродкі на суму больш за 370 тысяч даляраў. Накладзены арышт на маёмасць і транспартныя сродкі.
Сцвярджаецца, што грамадзяне, фонды і арганізацыі, якія атрымлівалі грошы праз крыптаабменнік, таксама вызначаны.
Цяпер чытаюць
Топ сучасных элітных жыллёвых комплексаў Мінска. Квадрат там каштуе да 11 000 даляраў1
Каментары