Грамадства11

Мінчанку асудзілі да «хатняй хіміі» і знішчылі два яе нацыянальныя сцягі

У судзе Савецкага раёна Мінска 28 сакавіка да двух з паловай гадоў «хатняй хіміі» асудзілі Святлану Кудрыцкую. Жанчыну прызналі вінаватай паводле ч. 1 арт. 342 Крымінальнага кодэкса (актыўны ўдзел у дзеяннях, якія груба парушаюць грамадскі парадак) за ўдзел у адной акцыі пратэсту ў 2020 годзе. Доказамі па справе стала відэа, на якое трапіла жанчына, і адзенне, у якім яна была на акцыі. Прысуд па справе вынесла Вольга Емяльяненка, піша «Вясна».

Паводле версіі абвінавачвання, Святлана Кудрыцкая «блакавала і заступала шлях транспартным сродкам, у выніку чаго яе дзеянні пацягнулі парушэнне працы транспарту, якое выявілася ў спыненні транспарту на тэрыторыі Мінска». Сума шкоды «Мінсктрансу» склала 5 839 рублёў 65 капеек.

На судзе жанчына віну прызнала. Яна пацвердзіла, што выходзіла на праезную частку дарогі, у выніку чаго блакавала шлях транспартным сродкам. Акрамя прызнальных паказанняў Святланы, асноўнымі доказамі па справе сталі відэазапісы, на якім зафіксавана жанчына, у тым ліку на праезнай частцы, у момант яе ўдзелу ў акцыі пратэсту.

Крыніцай відэа ў пастанове называецца «матэрыял аператыўна-вышуковых мерапрыемстваў». У матэрыялах крымінальнай справы маюцца скрыншоты з гэтага відэа. Таксама доказамі сталі чорны заплечнік і джынсы, у якіх жанчына зафіксаваная на відэазапісах у момант яе ўдзелу ў мітынгу.

Акалічнасцю, змякчаючай адказнасць, суд прызнаў наяўнасць на ўтрыманні малалетніх дзяцей.

У выніку суддзя Вольга Емяльянчанка прызначыла Святлане Кудрыцкай два гады і шэсць месяцаў абмежавання волі без накіравання ў папраўчую ўстанову адкрытага тыпу («хатняй хіміі»). Акрамя гэтага, суд пастанавіў знішчыць два бел-чырвона-белыя сцягі, якія захоўваліся пры матэрыялах справы і, верагодна, забраныя пры ператрусе ў жанчыны.

Да суда Святлана была пад закладам у суме 12 000 рублёў.

Каментары1

  • Зафіксуем факт
    22.04.2024
    Лукашысты знішчаюць беларускія нацыянальныя сцягі.

Стала вядома пра арышт гісторыка Ігара Мельнікава16

Стала вядома пра арышт гісторыка Ігара Мельнікава

Усе навіны →
Усе навіны

«Калі б мне плацілі — сядзела б і чытала людзям кнігі, нават за малыя грошы». Інтэрв’ю з актрысай Зояй Белахвосцік2

У возеры Свіцязь забаранілі купацца. У чым прычына?1

Mercedes урэзаўся ў Fiat, а пасля збіў двух чалавек

Трамп стаў найстарэйшым кандыдатам на пасаду прэзідэнта ЗША ў гісторыі5

Мінск апынуўся ў топе самых танных гарадоў свету — за жыллё трэба плаціць у 10 разоў менш, чым у Нью-Ёрку7

Першыя праблемы беларусаў на Алімпіядзе ў Парыжы. Весляры ўжо там, а лодкі не прапусцілі 

Топавы амерыканскі часопіс спрагназаваў, колькі беларусы заваююць медалёў на Алімпіядзе. У расіян будзе нуль

Харыс заручылася дастатковай падтрымкай для вылучэння кандыдатам у прэзідэнты

«50 гадзін у апошняй дыктатуры Еўропы». У Беларусь прыехалі мегапапулярныя блогеры з ЗША і Канады — вось навошта17

больш чытаных навін
больш лайканых навін

Стала вядома пра арышт гісторыка Ігара Мельнікава16

Стала вядома пра арышт гісторыка Ігара Мельнікава

Галоўнае
Усе навіны →