Германія ўжо перадала Украіне тры зенітна-ракетныя комплексы Patriot, паведамляе The Washington Post са спасылкай на свае крыніцы. Гэта стала магчымым дзякуючы новай схеме, якую прапанаваў прэзідэнт ЗША Дональд Трамп: еўрапейскія краіны аплачваюць пастаўкі амерыканскай зброі для Узброеных сіл Украіны.
Прэзідэнт Украіны Уладзімір Зяленскі раней выказваў надзею атрымаць дзесяць такіх сістэм. Міністр абароны Германіі Барыс Пісторыус падчас сустрэчы саюзнікаў Украіны 21 ліпеня паведаміў, што Берлін гатовы дапамагчы з перадачай пяці комплексаў, хоць падрабязнасцяў не раскрыў. Паводле крыніц The Washington Post, тры комплексы ўжо перадалі, а наконт астатніх ідуць перамовы з Вашынгтонам.
Чакаецца, што частку сістэм Patriot Украіна можа атрымаць і з краін, якія не ўваходзяць у НАТА. Напрыклад, Швейцарыя заявіла, што ЗША перанакіруюць пяць комплексаў, першапачаткова прызначаных для яе, ва Украіну, а яе ўласныя пастаўкі будуць адкладзеныя.
Тым часам Літва таксама выказала гатоўнасць далучыцца да калектыўнай закупкі гэтых комплексаў для Украіны. Міністарка абароны Літвы паведаміла, што Вільня плануе выдзеліць на гэта да 30 мільёнаў еўра.
Акрамя таго, працягваюцца абмеркаванні магчымай перадачы Украіне дальнабойных ракет. Германія пакуль адмовілася пастаўляць ракеты Taurus, але, паводле інфармацыі The Washington Post, унутры НАТА не выключаюць, што ЗША ўсё ж могуць перагледзець сваю пазіцыю, нягледзячы на словы Трампа пра нежаданне гэта рабіць.
14 ліпеня Трамп абвясціў, што ўсяго Украіна атрымае 17 сістэм Patriot, аплачаных саюзнікамі па НАТО. Гэтае рашэнне пацвердзілі падчас сустрэчы кантактнай групы ў фармаце «Рамштайн», дзе краіны выказалі падтрымку ўзмацненню супрацьпаветранай абароны Украіны.
Украіна атрымае абяцаныя Трампам Patriot не раней за вясну 2026 года — Spiegel
ЗША паставяць зброю найперш тым саюзнікам, якія аддадуць свае запасы Украіне
ЗША спяшаюцца перадаць Украіне абяцаную Трампам зброю як мага хутчэй
Мерц змог пераканаць Трампа пры дапамозе «дыпламатыі чэкавых кніжак»
ЗША паставяць праз НАТА зброю Украіне на $10 мільярдаў
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары