Пра гэта ён заявіў расійскім журналістам 28 верасня ў Шанхаі.
На пытанне журналістаў у Шанхаі 28 верасня, чаго ён чакае ад беларускіх выбарах, Прэзідэнт Расіі Дзмітрый Мядзведзеў адказаў: «Нічога добрага не чакаю. Жарт».
Пасля ён дадаў яшчэ некалькі фразаў ужо нібыта ўсур’ёз. Ён разлічвае, што выбары ў Беларусі пройдуць з захаваннем асноўных правоў грамадзян. «Я ўпэўнены, што беларускі народ зробіць свой выбар, бо гэта ўнутраная справа Беларусі, і спадзяюся, што гэты выбар будзе ажыццёўлены ў рамках дзеючага заканадаўчага поля, з захаваннем правоў і асноўных інтарэсаў грамадзян Беларусі. Нам неабыякавы лёс Беларусі, лёс грамадзян Беларусі», — сказаў Мядзведзеў, словы якога прыводзіць РІА «Новости».
25 верасня ў Лідзе, падчас сустрэчы з журналістамі, Аляксандр Лукашэнка заявіў, што не дапусціць ніякага знешняга ўмяшання ў прэзідэнцкую кампанію, у тым ліку з боку Расіі.
Ён таксама лічыць, што Крэмль не акажа «ніякага ўплыву на гэтыя выбары». «А калі і акажа, дык толькі станоўча. Увесь гэты бруд (маецца на ўвазе інфармацыйная кампанія Расіі, у тым ліку фільмы „Хросны бацька“) сыграў на карысць не ім, а нам. Дай бог, каб яны гэтак жа бязглузда вялі далей гэтую брудную кампанію. Гэта нам на руку», — сказаў Лукашэнка.
Цяпер чытаюць
Фатограф-агент з двума пашпартамі здымае беларусаў і іх мерапрыемствы ў Варшаве10
Каментары