ЕС западозрыў Кітай у абыходзе 80 працэнтаў санкцыйных абмежаванняў супраць Расіі
Кітай адказны за 80 працэнтаў выпадкаў абыходу санкцый, уведзеных супраць Расіі. Пра гэта гаворыцца ў закрытым дакладзе германскага МЗС, да якога атрымалі доступ газета Süddeutsche Zeitung і тэлесеткі NDR і WDR.
Дакумент рэзюмуе вынікі пасяджэння Рады ЕС па замежных справах, якое адбылося 20 мая ў Бруселі. Там абмяркоўваліся магчымасці пашырэння санкцыйнага рэжыму супраць Расіі і эфектыўнасць ужо прынятых мераў.
Паводле дакладу, ЕС лічыць, што санкцыі аказалі значны ўплыў на расійскую эканоміку. Дастатковага поспеху дасягнулі ў барацьбе з «ценявым флотам». Кіраўнік санкцыйнага камітэта ЕС Дэвід О’Саліван прапанаваў вывучыць магчымасць увядзення санкцый у дачыненні да партоў у Турцыі, Індыі і Малайзіі, якія найбольш часта выкарыстоўваюцца такімі суднамі.
Брусель, як сцвярджаецца, дасягнуў «пэўных поспехаў» у абмежаванні экспарту ў Расію тавараў, звязаных з вайной, праз трэція краіны, асабліва Арменію, Сербію, Узбекістан і Індыю. Аднак па-ранейшаму існуюць складанасці з Казахстанам, Аб’яднанымі Арабскімі Эміратамі і Турцыяй.
Цяпер чытаюць
Коўл: Лукашэнка адпусціць 25 чалавек у абмен на санкцыі на «Лакафарбу» і «Беллеспаперпрам»15
Коўл: Лукашэнка адпусціць 25 чалавек у абмен на санкцыі на «Лакафарбу» і «Беллеспаперпрам»
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну77
Каментары