Улада2626

Дзяды-2010

У Мінску прайшло традыцыйнае жалобнае шэсце да Курапатаў.

31 кастрычніка ў Менску адбылося традыцыйнае шэсце ў Курапаты.

Выніковы відэарэпартаж:

Як і заўжды, сёлета яго ладзіла Кансерватыўна-хрысціянская партыя БНФ. Шэсце атрымалася спакойным і урачыстым. Нават блізкасць выбараў не здолела яго палітызаваць.

У самім шэсці актыўны ўдзел узяла і Партыя БНФ, іншая частка колісь адзінага Народнага Фронту.

Ад пачатку ў ім удзельнічаў старшыня партыі Аляксей Янукевіч і кандыдат на прэзідэнцкую пасаду Рыгор Кастусёў. Узялі ўдзел у «Дзядах» і іншыя кандыдаты. Андрэй Саннікаў, Віталь Рымашэўскі, Мікола Статкевіч і Уладзімір Някляеў.
Тры першыя нейкі час ішлі разам з калонай, актыўна размаўляючы з удзельнікамі шэсця, а Някляеў пад’ехаў на мітынг. Падчас мітынгу кіраўніцтва КХП-БНФ — Юрась Беленькі і Валер Буйвал — выступілі з асуджэннем злачынстваў савецкай сістэмы, здейсненых у Беларусі, а таксама зачыталі адмысловае пасланне кіраўніка КХП-БНФ — Зянона Пазняка. Пасланне, акрамя нагадвання аб значнасці урочышча Курапаты для лёсу Беларусі і беларусаў, утрымлівала і палітычныя заявы. У прыватнасці, заклік байкатаваць бліжэйшыя прэзідэнцкія выбары. Непрацяглы мітынг скончыўся гімнам-малітвай «Магутны Божа».

14:51

Юрась Беленькі скончыў мітынг. Напрыканцы прамовы ён заклікаў людзей 7 лістапада далучыцца да жалобнага шэсця ў Лошыцкі яр, каб і там ушанаваць ахвяр сталінскіх рэпрэсій.

Цяпер людзі ўсталёўваюць крыжы і запальваюць знічкі.

14:38

Намеснік старшыні КПБ‑БНФ Юрась Беленькі ў сваёй прамове адзначыў, што менавіта з Курапатаў у свой час пачалося нацыянальнае Адраджэнне. Таксама Беленькі зрабіў экскурс у зусім нядаўнюю гісторыю, калі моладзь не дала збудаваць праз урочышча кальцавую дарогу.

Валеры Буйвал зачытаў зварот ад Зянона Пазянка. Сярод іншага, старшыня КХП‑БНФ заклікаў не прымаць удзел у фальшывых выбарах.

Юрась Беленькі ўспомніў трагедыю, што здарылася на гэтым тыдні ў Пінску. Палітык заклікаў ушанаваць загіблых у гэтым горадзе хвілінай маўчання.

14:11

На гары ва ўрочышчы Курапаты пачынаецца мемарыяльны мітынг. Людзі выстраіліся колам вакол арганізатараў. Прамаўляць будуць найперш сябры КХП‑БНФ. Наўрад ці нехта выступаць з кандыдатаў у прэзідэнты.

Дарэчы, да акцыі далучыўся лідар кампаніі «Гавары праўду» Уладзімір Някляеў.

14:06

Удзельнікі акцыі дайшлі да ўрочышча.

Людзей вельмі шмат. Надвор’е таксама ўсміхаецца дэманстрантам — цэлы дзень свеціць сонейка.

13:47

Шэсце дайшло да кальцавой.

12:35

Шэсце зараз знаходзіцца на перасячэнні вуліц Сядых і Каліноўскага.

Людзей паболей. Зараз у акцыі прымае ўдзел прыкладна 700 чалавек.

Людзі гукаюць «Жыве Беларусь!». Жанчыны з КХП‑БНФ спяваюць беларускія песні. Моладзь час ад часу спрабуе запець нешта з «народнага альбому».

Адзін з арганізатараў акцыі на «Дзяды» Юрась Беленькі адмовіўся каментаваць хаду мерапрыемства. Ён зазначыў, што ўсё будзе сказана ва ўрочышчы Курапаты.

12:11

Шэсце паварочвае з праспекту Незалежнасці. Людская калона расцягнулася прыкладна на 300 метраў.

Прыйшоў на акцыю Павел Севярынец.

Ёсць здымачная група НТВ, шмат іншых журналістаў.

11:49

Віталь Рымашэўскі, які балатуецца на выбарах ад Беларускай хрысціянскай дэмакратыі, прыйшоў на шэсце разам з маленькай дачкой.

Рымашэўскі кажа, што важна помніць пра гэтыя трагічныя падзеі з гісторыі Беларусі, каб не ператварыцца ў манкуртаў.

11:45

Людзі дайшлі да Нацыянальнай бібліятэкі.

Кандыдат у прэзідэнты Мікалай Статкевіч кажа, што для яго ўдзел у Дзядах традыцыйны.

«Я не толькі ўшаноўваюць памяць усіх ахвяраў рэпрэсій, але і з асабістых прычын. У 1938 годзе быў расстраляны мой дзед па кудзелі», — кажа М.Статкевіч.

Сацыял‑дэмакраты Статкевіча возьмуць удзел толькі ў пачатку акцыі, потым яны сыдуць на усходнія могілкі, каб ушанаваць памяць Міхася Ткачова.

Мікалай Статкевіч падзякаваў КХП‑БНФ за штогадовую арганізацыю шэсця, і за дагледжванне мемарыялу ў Курапатах.

11:28

Кандыдат у прэзідэнты ад Партыі БНФ Рыгор Кастусёў кажа, што для яго гэта «справа гонару ўдзельнічаць у такіх акцыях».

«Неабходна ўшаноўваць усіх ахвяраў сталінскіх рэпрэсій, што былі здзейснены на тэрыторыі Беларусі. А па‑другое, для мяне прайсціся пад бел‑чырвона‑белым сцягам па вуліцах Менску — заўсёды свята», — зазначыў палітык.

Зараз Рыгор Кастусёў і Аляксей Янукевіч з’язджаюць у Магілёў, каб правесці сустрэчы з актывам, а таксама ўшанаваць ахвяраў рэпрэсій там.

11:25

Удзельнікі акцыі дайшлі да станцыі метро «Маскоўская».

Візуальна людзей на сёлетняй акцыі больш, чым было летась.

Вельмі шмат сцягоў. Прыкладна 60‑70.

Удзельнічаюць у мерапрыемстве Віктар Івашкевіч і Вячаслаў Сіўчык.

11:07

Шэсце пачалося. У ім удзельнічае каля 400 чалавек.

З’явіліся новыя расцяжкі «КХП‑БНФ», «Ушануйма ахвяраў Курапатаў», яшчэ адна «Дзяды».

З’явіліся крыжы, іх каля дзесяці. Крыжы збіваліся ў скверы да парка Чалюскінцаў.

Ёсць сцягі «Маладой Беларусі». Прысутнічае некалькі чалавек з «Гавары праўду», але самога Уладзіміра Някляева няма.

Прыйшоў Мікалай Статкевіч.

Нельга адназначна казаць людзей якога пакалення больш на акцыі. Бо ёсць, як і пенсіянеры, так і моладзь.

Скандзіруюць «Жыве Беларусь!».

10:48

Ля гадзіннікавага заводу сабралася каля 200 чалавек. Вельмі шмат сцягоў. Пераважаюць, натуральна, бел‑чырвона‑белыя. Але ёсць і сцягі «Маладога фронту», БХД, БНФ, «Еўрапейскай Беларусі», гораду Мінску.

З кандыдатаў у прэзідэнты на зборы прысутнічаюць Рыгор Кастусёў і Андрэй Саннікаў. Група «Еўрапейскай Беларусі» ў сініх шаліках групуецца каля свайго лідара.

Традыцыйных крыжоў пакуль не бачна. Людзі ўжо пачынаюць шыхтавацца. Наперадзе расцяжка «Дзяды», а таксама «Малады фронт». Людзям раздаюць павязкі «Дзяды».

Вельмі шмат «ціхароў».

Прысутнічаюць Юрась Беленькі, Аляксей Янукевіч, Артур Фінькевіч, Зміцер Дашкевіч.

Нямнога, але прыехалі людзі і з рэгіёнаў. Прынамсі, з Віцебска і Магілёва.

Каментары26

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Упершыню за чатыры гады Белстат апублікаваў звесткі аб нараджальнасці і смяротнасці. Даныя жахаюць39

Упершыню за чатыры гады Белстат апублікаваў звесткі аб нараджальнасці і смяротнасці. Даныя жахаюць

Усе навіны →
Усе навіны

«У Егіпет з дзецьмі даражэй з’ездзіць». Брэсцкая блогерка вырашыла павялічыць грудзі, пакуль чакае мужа з калоніі20

У КР выбіраюць віцэ-спікерку. Дэбатаў не атрымалася, бо балатавалася толькі Лізавета Пракопчык7

Ціханоўская: Кожны год, 21 мая, сэрца сціскаецца ад болю13

Трамп абвясціў пра стварэнне новай супрацьракетнай абароны ЗША «Залаты купал», якая павінна стаць найлепшай у свеце5

Грузія цалкам забараніла рээкспарт аўто ў Расію і Беларусь. Што гэта азначае для беларусаў на практыцы?9

У Мінску кіроўца збіў на пераходзе сямігадовага хлопчыка на самакаце1

Навуковец распавёў пра геалагічныя загадкі Беларусі: іртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў9

Улады Іспаніі патрабуюць ад Airbnb выдаліць больш за 60 тысяч аб'яў аб арэндзе жылля1

Кіраўнік «Еўраопта» выйшаў на свабоду4

больш чытаных навін
больш лайканых навін

Упершыню за чатыры гады Белстат апублікаваў звесткі аб нараджальнасці і смяротнасці. Даныя жахаюць39

Упершыню за чатыры гады Белстат апублікаваў звесткі аб нараджальнасці і смяротнасці. Даныя жахаюць

Галоўнае
Усе навіны →

Заўвага:

 

 

 

 

Закрыць Паведаміць