Усяго патроху1010

Дзяўчаты з арт-групы «Вайна» гвалтоўна цалуюць жанчын-міліцыянтак (відэа)

Расійская арт-група выклала ў інтэрнэце справаздачу аб новай радыкальнай акцыі.

Арт-група «Вайна» выклала ў інтэрнэце справаздачу аб новай радыкальнай акцыі, якая называецца «Лобзай мусора, или тренинг по зацеловыванию».

Мілавідныя актывісткі падыходзілі ў метро і на вуліцы да жанчынаў-міліцыянтак і нечакана пачыналі іх цалаваць, спрабуючы зрабіць гэта як мага мацней.

На фота-і відэасведчаннях заўважна, што некаторыя жанчыны-міліцыянткі ўспрымаюць спробы расцалаваць іх як напад. Хтосьці пачынае актыўна супраціўляцца, хтосьці проста застывае ў здзіўленні з грэблівым выразам на твары.

Раней у твітэры ўдзельнікі «Вайны» павіншавалі супрацоўнікаў МУС з уступленнем у сілу закона аб паліцыі. Цяпер у твітэры «Вайны» ўдакладняецца, што на міліцыянтак накідваліся з пацалункамі на працягу двух месяцаў. Актывісты сцвярджаюць, што паспелі атакаваць такім чынам некалькі сотняў жанчын-міліцыянтак.

Акцыя па «зацалоўванні міліцыянтак» праходзіла пад лозунгамі: «Выйдзі на вуліцу — вярні сабе паліцэйскага!», «Мая сэксуальная арыентацыя — паліцай майго полу!», «Паліцэйскі-гей і паліцэйская-лесбіянка — авангард мядзведзеўскай мадэрнізацыі!», «Палавымі ўдарнікамі палепшы кадравы склад роднай паліцыі!».

«Была праведзеная серыя тэст-трэнінгаў, падчас якіх стала зразумела, што спадарыні паліцыянты рэагуюць на пацалункі значна больш агрэсіўна, чым спадары, — расказвае актывістка „Вайны“ Надзя Талакно. — Жанчыны ж пры спробе пацалаваць іх пачыналі ўпадаць у паніку, дзёрзка мацюкаліся, лаялі актывістак і часцяком пачыналі з імі біцца».

Па словах актывісткі, супрацоўніц міліцыі больш за ўсё абурала не тое, што іх цалуюць, а тое, што гэта робіць дзяўчына. «Палавы шок быў для супрацоўніц магутнейшы за службовы, і сілаў заводзіць справы ўжо не заставалася, так што ўсе актывісткі пакуль на волі, у падполлі», — паведаміла Талакно.

Акцыя «Лобзай мусора» была прымеркаваная да ўступлення 1 сакавіка ў сілу закона «Аб паліцыі». Афіцыйна супрацоўнікаў МУС у паліцэйскіх пакуль не перайменавалі. Былыя міліцыянты часова выведзеныя за штат і атрымаюць права назвацца паліцыянтамі толькі пасля пераатэстацыі, якая завершыцца да 1 чэрвеня.

Арт-група «Вайна» вядомая сваімі правакацыйнымі выступамі ў адрас прадстаўнікоў федэральных уладаў і сілавых ведамстваў Расіі.

Каментары10

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос27

Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос

Усе навіны →
Усе навіны

Пад Іванавам перакулілася маршрутка: сем чалавек у бальніцы

МАК схіляецца да таго, каб дапусціць беларускіх спартсменаў да ўдзелу ў зімовых Алімпійскіх гульнях4

«Свет змяніўся». У Аўстрыі, якая 70 гадоў захоўвала нейтралітэт, задумаліся пра ўступленне ў НАТА2

У Гомелі пенсіянер высадзіў у двары дрэвы. Але іх верхавіны паабломвала злая 90-гадовая суседка5

У Беларусі забаранілі кітайскія тэлефоны. Норма ўтрымання свінцу ў іх была перавышаная ў 330 разоў1

Паглядзіце, які мілы сабака працуе на памежным пераходзе з Латвіяй ФОТАФАКТ

Расіяне з вялікімі стратамі адступілі з Кандратаўкі Сумскай вобласці. Z-каналы ў шаленстве10

У 29 гадоў загінуў хакейны лайнсмен Павел Казлоў1

МЗС Літвы не будзе разглядаць прапанову мясцовага дэпутата аб ануляванні акрэдытацыі офіса Ціханоўскай5

больш чытаных навін
больш лайканых навін

Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос27

Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос

Галоўнае
Усе навіны →

Заўвага:

 

 

 

 

Закрыць Паведаміць