Premija Stachijeviču
Aŭtar “NN” Vital Stachijevič dastaŭ 2-ju premiju na 43-m Eŭrapiejskim konkursie pijanistaŭ “Arcangelo Speranza”, jaki prajšoŭ na minułym tydni ŭ italjanskim Taranta. Konkurs składaŭsia z troch turaŭ, i brali ŭ im udzieł pijanisty z krain Eŭraźviazu albo asoby, jakija navučajucca na terytoryi EZ. Žury ŭznačalvała znakamitaja pijanistka Maryja Typa.
Vital Stachijevič — vypusknik Biełaruskaj akademii muzyki, ciapier navučajecca ŭ kanservatoryi ŭ Amsterdamie.
NN
Pra podźvih samaachviarnaści
U aršanskim kaściole Śv. Jazepa prajšła prezentacyja knihi połackaj piśmieńnicy Iryny Žarnasiek “Budź vola Tvaja…”. Vydadzieny letaś u mienskim vydaviectvie “Pro Christo” raman pryśviečany rosickaj trahiedyi (u lutym 1943 h. vioska Rosica, što na Drysienščynie, była spalena z žycharami). Razam ź viernikami samaachviarnuju śmierć pryniali j ajcy maryjanie Antoni Laščevič dy Jury Kašyra. Kniha vydadziena dziakujučy padtrymcy Ordenu maryjanaŭ, rezydencyjaj jakich ciapier jość kaścioł Śv.Jazepa ŭ Voršy. U najbližejšy čas prezentacyi adbuducca ŭ inšych haradach i miastečkach Viciebščyny.
Jaŭhien Žarnasiek, Vorša
Vialejski kłopat
Sioleta 17 vieraśnia spaŭniajecca 210 hadoŭ z dnia naradžeńnia piśmieńnika Ihnata Chodźki. Naradziŭsia jon na Vialejščynie, dzie ŭžo rychtujucca da ŭhodkaŭ vydatnaha ziemlaka. Rajvykankam pryniaŭ rašeńnie ab pierajmienavańni adnoj z vulic horadu, architektar Anatol Kapciuh raspracavaŭ makiet memaryjalnaj doški, što azdobić adzin z budynkaŭ na pierajmienavanaj vulicy. Pamiatnyja znaki buduć pastaŭleny na miescach naradžeńnia i śmierci Chodźki. Planujecca adramantavać jahonaje nadmahille ŭ vioscy Vojstam Smurhonskaha rajonu. Projdzie taksama kanferencyja, pryśviečanaja ziemlaku.
Kniha Łukšy
17 traŭnia ŭ Maładečnie prajšła prezentacyja knihi “Pryznańnie ŭ lubvi i kachańni”. Zbornik — sumiesny prajekt 60 paetaŭ z Maładačanščyny i hrafika ź Vialejki Ŭładzimiera Łukšy.
Siarhiej Makarevič, Vialejka
Kamientary