Pikiet u lesie
U adpaviednaści z pastanovaj Baranskaha harvykankamu (Aršanščyna) miescam praviadzieńnia masavych schodaŭ i pikietaŭ vyznačana placoŭka ŭ sasnovym bary na ŭskrajku horadu. U Voršy jašče letaś takim miescam stała placoŭka ŭ Prydniaproŭskim parku. Ale značnuju płošču jaje zajmaje vializny paviljon-namiot piŭnoj kampanii «Bałtyka». Dyj, zdajecca, nijakich pikietaŭ tam pakul nie było. U spadarožniku Voršy Barani mocnyja pazycyi demakrataŭ — tak, u harsaviecie pracujuć niekalki niezaležnych deputataŭ. Dahetul masavyja mierapryjemstvy (u tym liku śviatkavańnie 1 traŭnia) pravodzilisia na płoščy pierad Pałacam kultury. Ciapier pradpisana mitynhavać u lesie. Zdajecca, tam sto hadoŭ tamu ładzili svaje majoŭki baranskija rabočyja ź miascovaha draciana-ćvikarnaha zavodu. Historyja paŭtarajecca.
Usio bolej damoŭ sastarełych
Na Aršanščynie raście popyt na miescy ŭ damach-internatach dla sastarełych. Z 11 tysiač pensijaneraŭ, jakija žyvuć u rajonie, pałova — adzinokija. Ich dahladajuć na damu sacyjalnyja rabotniki. Pasłuha hetaja kaštuje ad 6 da 11 tysiačaŭ rubloŭ. U dźviuch balnicach jość 25 sacyjalnych łožkaŭ, kudy źmiaščajuć samych niamohłych. Tut staryja mohuć znachodzicca hadami, adličvajučy 80% pensii za ŭtrymańnie. Ale volnych miescaŭ dla sastarełych u specyjalizavanych internatach nie chapaje. Kali ŭ starych majucca dzieci, to ŭ internat biaruć pry ŭmovie dapłaty imi da pensii na ŭtrymańnie, a jano składaje ciapier zvyš 260 tysiačaŭ rubloŭ štomiesiac, što bolš za siaredniuju pensiju. Praŭda, byvajuć i vyklučeńni. Tak, niadaŭna pa rašeńni rajvykankamu ŭ internat źmiaścili muža i žonku. Aboje da vychadu na pensiju rabili ŭ kałhasie. Ciapier ža nia mohuć siabie absłužyć, da taho ž dva syny nia tolki nie dapamahajuć baćkam, ale i adnimajuć u ich častku pensii na vypiŭku. Kab krychu vyrašyć prablemu, u najbližejšy čas u rajonie zaplanavana abstalavać dom-internat na 25 miescaŭ u budynku byłoha dziciačaha sadka ŭ v.Tarčyłava.
Ciapier čytajuć
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie31
Kamientary