Biełaruś zaniała32-je miesca sa 158 u suśvietnym rejtynhu teraryzmu, jaki padrychtavany niaŭradavaj arhanizacyjaj «Instytut ekanomiki i miru» (Sidnej, Aŭstralija).
Jak paviedamlaje aficyjny sajt instytuta, rejtynh byŭ składzieny na asnovie «suśvietnaha indeksu teraryzmu». Hety indeks, u svaju čarhu, padrychtavany na asnovie analizu kolkaści terarystyčnych aktaŭ u toj ci inšaj krainie z 2002 pa 2011 hady, kolkaści achviaraŭ i paranienych, prybliznaj acenki materyjalnaha ŭronu.
Na pieršym miescy ź indeksam 9,56 znachodzicca Irak. U pieršuju dziasiatku najbolš prablemnych krain trapili Jiemien, Nihieryja, Rasija, Samali, Tajłand, Filipiny.
Indeks Biełarusi składaje 4,26.
Najbolš rezanansnymi terarystyčnymi aktami ŭ Biełarusi aŭtary rejtynhu nazvali dva vybuchi ŭ Viciebsku ŭ 2005 hodzie (zahinułych nie było, paciarpieli kala 40 čałaviek), vybuch padčas śviatkavańnia Dnia niezaležnaści ŭ Minsku 4 lipienia 2008 hoda (zahinułych nie było, paciarpieli kala 50 čałaviek), vybuch u minskim mietro na stancyi «Kastryčnickaja» 11 krasavika 2011 hoda (15 zahinułych, bolš jak 200 paciarpiełych).
Ciapier čytajuć
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami11
Kamientary