Minharvykankam nie biare na siabie adkaznaść za źniaćcie biłbordaŭ «Mama=mova»
«Ničoha nie viedajem», — kažuć tam.
Čamu i chto ŭsio-tki źniaŭ biełaruskamoŭnuju rekłamu, i čamu mienavita ŭ stalicy? Sprabujem jašče raz pierahavaryć ź Ministerstvam kultury. A mo paśla rozhałasu jany ŭžo vałodajuć infarmacyjaj.
«Nas nie papiaredžvali, što zdymajuć», — skazała pres-sakratar Julija Viskub.
Mienavita Minkultu vystupała ŭ roli zamoŭščyka tych biłbordaŭ. I dziŭna, što tam nie viedajuć, chto źniaŭ imi apłočanuju rekłamu. Albo viedajuć, ale nie kažuć.
Nabirajem adździeł ideałohii Minharvykankama. Tam ničoha nie mohuć patłumačyć. I nakiroŭvajuć ŭ pradpryjemstva «Minskrełama». Adtul — nazad: maŭlaŭ, nie ich biłbordy byli.
Nastupny numar — kabiniet načalnika Upraŭleńnia handlu i pasłuh Minharvykankama.
«Nie mahu kamientavać», — zajaviła načalnik upraŭleńnia Aksana Kanstancinovič. I nakiravała ŭ adździeł pa kantroli za rekłamaj.
Tłumačym situacyju. Pierapytvajem, ci adździeł kuryruje ŭ tym liku sacyjalnuju rekłamu. Atrymlivajem stanoŭčy adkaz. Ale pra kankretnyja biłbordy nie viedajuć.
«Mnie ničoha nieviadoma na hety kont», — skazała načalnik adździeła Iryna Latniak.
Dva z pałovaj hoda tamu, kali źnikła rekłama «Biełaruskaje — samaje majo!», taksama nie davali adkazu, pa čyim zahadzie toje adbyłosia. Tolki kułuarna pierašeptvalisia, što rasparadžeńnie pryjšło ad namieśnicy kiraŭnika Administracyi prezidenta Natalli Piatkievič. Nibyta tam paličyli, što rekłama zanadta biełaruskaja.
Ciapier čytajuć
U Varšavu pryjechała sotnia biełaruskich palitviaźniaŭ10
Kamientary