Ułady Litvy zajavili, što zamarozili rachunki, źviazanyja z kradziažom srodkaŭ ź dziaržaŭnaha biudžetu Rasii.
Pra ich u svoj čas zajaŭlaŭ juryst fondu Hermitage Capital Siarhiej Mahnicki, pieradaje RFI.
Nieŭzabavie paśla taho, jak Mahnicki zajaviŭ ab padatkovym machlarstvie na sumu ŭ 230 miljonaŭ dalaraŭ, jaho samoha abvinavacili i aryštavali. U 2009 hodzie Mahnicki pamior u maskoŭskim SIZA, kryminalnaja sprava suprać jaho ŭ Rasii viadziecca i paśla jaho śmierci.
Hrašovyja srodki buduć pravieranyja ŭ ramkach pačataha ŭ Litvie rasśledavańnia ab admyvańni hrošaj u afšorach vysokapastaŭlenymi čynoŭnikami z Rasii, dokazy byli pradstaŭlenyja fondam Hermitage Capital Management, — paviedamlaje vydańnie Bloomberg Businessweek sa spasyłkaj na prakurora Danatasa Puzinasa.
Akramia Litvy rasśledavańnie pa spravie ab admyvańni hrošaj pačataje taksama na Kipry, u Łatvii, a ŭ Šviejcaryi rachunki, źviazanyja z brudnymi rasijskimi hrašyma, taksama byli zamarožanyja jašče ŭ niekalkich bankach krainy.
«Hrašovyja srodki, jak praviła, raźbivalisia pa rachunkach niekalkich kampanij. Paśla pieravodu častka hrošaj viartałasia na pieršapačatkovy rachunak i zatym pieravodziłasia novamu atrymalniku»,— zajaviŭ u intervju Bloomberg Bussinessweek prakuror Danatas Puzinas.
Vypiski z bankaŭskich rachunkaŭ, jakija ŭdałosia atrymać fondu Hermitage Capital, pakazali, što viartańnie hrošaj adbyłosia 26 śniežnia 2007 hoda na rachunki ŭ banki Maskvy. Jak minimum 134 z 230 młn dalaraŭ chutka byli pieraviedzienyja za miažu.
Bloomberg Bussinessweek, spasyłajučysia na pradstaŭlenyja spravazdačy, paviedamlaje, što hrašovyja srodki byli častkami pieraviedzienyja na rachunki ŭ banki Małdovy, Kipra, krain Bałtyi, Hankonha i h.d. Uładalnikami rachunkaŭ značylisia kampanii, raźmieščanyja ŭ Novaj Ziełandyi, na Siejšelskich i Brytanskich Virhinskich astravach. U kančatkovym vyniku hrošy asiadali na rachunkach byłoha ŭładalnika Univiersalnaha banka źbieražeńniaŭ (USB) Dźmitryja Klujeva abo na rachunkach byłoha muža padatkovaj čynoŭnicy Volhi Ściapanavaj.
Alaksandr Pierapialičny, hramadzianin Rasii, jaki pražyvaŭ u Vialikabrytanii i pracavaŭ raniej z Uładlenam Ściapanavym, u 2010 hodzie padaŭ vypiski z rachunkaŭ byłoha muža padatkovaj čynoŭnicy ŭ Šviejcaryi. U listapadzie 2012 hoda
Ciapier čytajuć
Spalnyja miescy ŭ «Minsk-Śviecie» mohuć vyklikać kłaŭstrafobiju. Jak ekanomiać prastoru ŭ sučasnych kvaterach-studyjach9
Kamientary