«Art-Siadziba» pieraŭtvorycca ŭ multymiedyjny partał
Sajt płanujecca zapuścić ciaham miesiaca.
«Art-Siadziba», trojčy zakrytaja ciaham 2012 hoda, pieraŭtvaryłasia ŭ hramadskaje ahienctva — ciapier «siadzibaŭcy» robiać «usio toje samaje», tolki ŭ roznych miescach, pastupova pierabirajučysia ŭ internet.
«My vyrašyli stvaryć multymiedyjny partał «Art-Siadziba online», jaki zapracuje ciaham miesiaca. — raskazvaje zasnavalnik «Siadziby» Pavał Biełavus. — My praviadziem škołu art-žurnalistyki dla ludziej, jakija nadalej buduć pracavać z nami. Hałoŭnaje dla nas zaraz, heta zrabić prajekt, adrozny ad 34mag.net ci kyky.org».
«U nas zastalisia dobryja adnosiny z arhanizatarmi roznych mierapryjemtsvaŭ, — kaža Biełavus. — Tamu ciapier my pravodzim nievialikija kinapakazy, lekcyi i kvaterniki, ludzi z nami aktyŭna supracoŭničajuć. Ci nie baimsia my, što hetyja mierapryjemstvy mohuć sarvacca, z-za ŭdziełu «Siadziby»? Raniej było praściej — było pamiaškańnie, jakoje možna pryjści i zakryć. Ale samu ideju i źjavu zakryć niemahčyma. Zaraz nam dapamahajuć z pamiaškańniami partniory i siabry — tyja, u kaho jość kvatery, dzie možna źbiracca».
Sajt «Art-Siadziby» ŭžo isnuje, pakul što adras pieranakiroŭvaje naviednikaŭ u supołku «Ukantakcie», ale nieŭzabavie partał zapracuje.
Kamientary