Premjer-ministr zapatrabavaŭ vyrašyć prablemu stychijnych parkovak u Minsku.
Ab hetym jon zajaviŭ u čas pasiadžeńnia ŭ Minharvykankamie.
Stychijnyja parkoŭki aŭtatranspartu ŭ horadzie nabyli masavy charaktar i stali adčuvalnaj prablemaj. Aŭtaŭładalniki parkujuć svaje mašyny, dzie daviadziecca, tym samym zvužajučy prajeznuju častku. Heta inšym razam uskładniaje ruch, pieraškadžaje prajezdu śpiecmašyn u ekstrannych situacyjach, naprykład pažarnych i chutkaj miedycynskaj dapamohi.
— Jašče 20–25 hadoŭ tamu ŭsie chacieli stavić mašyny ŭ haražy. Ciapier bolšaść stavić ich kala doma». Pavodle słovaŭ prem'«Usie dvary pieratvarylisia ŭ stychijnyja parkoŭki. Asabliva ŭ starych dvarach nie tolki nie prajechać, prajści niemahčyma ŭviečary, usio zastaŭlena mašynami, — adznačyŭ Michaił Miaśnikovič.
— Tamu tam, dzie nie naležyć, transpart stajać nie pavinien. Tam pavinny być adpaviednyja znaki, pavinna dziejničać sistema štrafaŭ.Ale dla hetaha vy pavinny prapanavać alternatyŭnyja varyjanty — novyja stajanki abo znajści niejkija inšyja rašeńni». Haradskija ŭłady sumiesna z zacikaŭlenymi dziaržorhanami pavinny znajści aptymalnaje vyjście ź isnujučaj situacyi.
Takim vyjściem moža stać stvareńnie časovych parkovak, zajaviŭ staršynia Minharvykankama Mikałaj Ładućka. «Adnak dla hetaha treba prymać rašeńnie, kab byli narmatyŭnyja mahčymaści dla budaŭnictva časovych parkovačnych miesc u zonie dziejnych inžyniernych kamunikacyj, — skazaŭ jon. — Heta daść mahčymaść, pavodle našych padlikaŭ, pavialičyć kolkaść časovych parkovačnych miesc u Minsku da 300 tys.»
Ciapier čytajuć
Śpievaka z «Marafonu adzinstva» asudzili za palityku — pryhadali kamientary 2020-ha. Baranić u sud jaho chadzili siostry Hruździevy16
Kamientary