Ciaredniaja temperatura čakajecca na 0,5 hradusa vyšej normy. Apadkaŭ — 125—130 pracentaŭ ad normy.
Nadvorje sioleta ŭ žniŭni budzie davoli niaŭstojlivym, a siaredniaja miesiačnaja tempieratura pavietra čakajecca prykładna na 0,5 hradusa vyšej klimatyčnaj normy, paviedamiŭ karespandentu «Źviazdy» načalnik słužby hidramietearałahičnych prahnozaŭ Respublikanskaha hidramietcentra Dzmitryj Rabaŭ.
Miž inšym, siaredniasutačnaja tempieratura pavietra, zhodna z klimatyčnaj normaj, u žniŭni adpaviadaje 16—17 hradusam. Na žal, pavodle padlikaŭ sinoptykaŭ, sioleta ŭ žniŭni nie paškaduje pryroda nam dobrych apadkaŭ, jakich čakajecca prykładna 125—130 pracentaŭ ad klimatyčnaj normy, jakaja vahajecca na terytoryi krainy ŭ miežach 62—89 milimietraŭ. U druhoj pałovie pieršaj dekady žniŭnia praciahłyja surjoznyja daždžy buduć haspadaryć amal paŭsiudna na terytoryi krainy. Miescami čakajucca davoli mocnyja liŭni. Tempieratura pavietra ŭnačy 7—14, udzień 17—24 hradusy.
U pačatku druhoj dekady apošniaha miesiaca leta čakajecca palapšeńnie nadvorja, kali paciapleje, a daždžy amal spyniacca. Tempieratura pavietra ŭnačy 9—15, udzień 20—25. Adnak u apošnija dni druhoj dekady znoŭ čakajucca daždžy i panižeńnie dzionnych tempieratur da 17—23 hradusaŭ. U treciaj dekadzie žniŭnia nas čakajuć nie tolki soniečnyja, ale i daždžlivyja dni. Tempieratura pavietra ŭnačy ŭžo 6—12 ciapła, a miescami na tarfianikach Paleśsia tolki plus 2—5 hradusaŭ, a ŭ nizinach na hlebie navat mahčymy nievialikija zamarazki.
Kamientary