Turahienctva «Delfin hrup» zapuściła maršrut pa miescach Kastusia Kalinoŭskaha
Nastupnaja ekskursija budzie praviedziena 13 krasavika, idzie zapis na ekskursii 18 i 25 maja.
Turystyčnaje ahienctva «Delfin hrup» raspracavała ŭnikalnyja maršruty, pryśviečanyja 150-hodździu paŭstańnia 1863–1864 hh. i pamiaci jaho kiraŭnikoŭ – uradžencaŭ Biełarusi Kastusia Kalinoŭskaha i Ramualda Traŭhuta.
Pieršaja z ekskursij prachodzić pa Bresckamu rehijonu i ŭklučaje ŭ siabie Miłavidy, Kosava, Ružany i Łasosin, dzie adbylisia znakamityja bitvy paŭstańnia, znachodziacca šmatlikija pomniki i miescy pachavańnia hierojaŭ. Druhi maršrut pralahaje ŭ hrodzienskim kirunku. Jaho asnoŭnyja kropki – Śvisłač, dzie znachodzicca himnazija, u jakoj vučylisia Traŭhut, braty Kalinoŭskija, a taksama pomniki hetym dziejačam, park byłoha pałaca Tyškievičaŭ, a jašče Porazava, Łyskava i Mahiloŭcy, dzie zachavałasia šmat pamiatnych miescaŭ (siadzibaŭ).
«Pieršuju ekskursiju my praviali ŭ kancy sakavika, a nastupnaja budzie praviedziena 13 krasavika, idzie zapis na ekskursii 18 i 25 maja, –kaža dyrektar «Delfin hrup» Aleś Duko. – Heta vyklikaje cikaŭnaść jak u moładzi, tak i ŭ tych, kamu daloka za 50. Naša aŭdytoryja – heta ŭ pieršuju čarhu ludzi, jakija cikaviacca historyjaj i kulturaj Biełarusi i žadajuć ušanavać pamiać hierojaŭ – zmaharoŭ za volu, roŭnaść i braterstva».
Maršrut pa bresckim kirunku kaštuje 210 tysiač, pa hrodzienskim – 235 tysiač; dla dziaciej praduhledžany źnižki.
Pa słovach Alesia Duko, jašče niekalki ekskursij, pryśviečanych hetamu histaryčnamu pieryjadu, zaraz znachodzicca ŭ stadyi raspracoŭki – płanujecca «raspracavać maršrut pa Zachodnim Paleśsi: Pinščynie, Kobrynščynie i inšych rajonach, bo tam znachodzicca šmat pamiatnych miescaŭ, źviazanych z Ramualdam Traŭhutam». Sam Traŭhut naradziŭsia na terytoryi Kamianieckaha rajona, paśla niejki čas žyŭ u sučasnym Małaryckim rajonie. U hetych ža miescach aktyvizavałasia bajavaja dziejnaść jaho atrada.
Jašče adzin cikavy abjekt u hetym rehijonie – siadziba ŭ Ludvinovie i kaplicca ŭ vioscy Zakoziel, dzie piśmieńnica Eliza Ažeška razam z mužam chavali ad vyšuku Ramualda Traŭhuta. Taksama raspracoŭvajucca ekskursii pa Vilejščynie, Miadzielščynie, Brasłaŭščynie i inšych rehijonach Biełarusi.
«Pakul što my abmiežavany adnym aŭtobusam na 40–45 miescaŭ, ale ŭ nastupnym płanujem zrabić ekskursii bolš rehularnymi».
Ciapier čytajuć
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie10
Kamientary