U Minsku pasiarednik vymaniŭ dla śledčych DFR 100 tysiač dalaraŭ
U Minsku zatrymany pasiarednik, jaki atrymaŭ 100 tysiač dalaraŭ dla spynieńnia kryminalnaj spravy, zaviedzienaj Departamientam finansavych rasśledavańniaŭ (DFR) KDK.
Hałoŭnym Śledčym upraŭleńniem Śledčaha kamiteta ŭzbudžanaja kryminalnaja sprava ŭ dačynieńni da žychara Minska, jaki vymahaŭ i atrymaŭ 100 tysiač dołaraŭ dla nastupnaj pieradačy słužbovym asobam pravaachoŭnych orhanaŭ. Mužčynu inkryminujecca ździajśnieńnie złačynstva, praduhledžanaha č.5 art.16 i č.2 art.431 Kryminalnaha kodeksa Biełarusi (padbuchtorvańnie da dačy chabaru ŭ bujnym pamiery).
Pačałosia ŭsio jašče ŭ 2011 hodzie, kali ŭ dačynieńni da dosyć paśpiachovaha pradprymalnika Minska pa materyjałach DFR KDK była ŭzbudžanaja kryminalnaja sprava pa art.233 Kryminalnaha kodeksa Biełarusi (niezakonnaja pradprymalnickaja dziejnaść). Padazravany byŭ aryštavany i źmieščany pad vartu, a rasśledavańnie kryminalnaj spravy pieradali ŭ Śledčy kamitet.
Praź niekatory čas na 66-hadovaha baćku aryštavanaha pradprymalnika vyjšaŭ pasiarednik, jaki nadziva šmat viedaŭ pra spravu syna. Žychar Minska zajaviŭ, što moža vyrašyć pytańnie nie tolki ab źmianieńni miery strymańnia padazravanamu, ale i ab poŭnym spynieńni kryminalnaha pieraśledu. Adnak dla hetaha siamu-tamu z tych, chto prymaje rašeńnie pa hetym pytańni treba zapłacić. Košt rašeńnia dvuch pytańniaŭ byŭ abaznačany ŭ pamiery 100 tysiač dalaraŭ. Paznačanaja suma była pieradadziena ŭ kancy 2011 hoda, paśla čaho pačałosia doŭhaje rašeńnie pytańniaŭ. Tak ciahnułasia bolš za hod, adnak abiacanaha ad pasiarednika baćka aryštavanaha tak i nie dačakaŭ, što zaachvociła jaho źviarnucca z adpaviednaj zajavaj u Hałoŭnaje ŭpraŭleńnie pa baraćbie z arhanizavanaj złačynnaściu i karupcyjaj (HUBAZiK) MUS. Paśla hetaha byŭ praviedzieny kompleks apieratyŭnych mierapryjemstvaŭ, jaki dazvoliŭ vyvieści vymahalnika chabaru na čystuju vadu.
U ciapierašni čas Śledčy kamitet pravodzić rasśledavańnie kryminalnaj spravy pa vymahalnictvie bujnoha chabaru dla supracoŭnikaŭ pravaachoŭnych orhanaŭ.
Kamientary