Rasija napała na Ukrainu čatyry hady i amal paŭtary miesiacy tamu, 24 lutaha 2022 hoda.
Siońnia 1500‑y dzień vajny, što pačałasia čatyry hady tamu — 24 lutaha 2022 hoda.
Vajna try miesiacy, jak apiaredziła pa kolkaści dzion Vialikuju Ajčynnuju vajnu, što ciahnułasia 1418 dzion (z 22 červienia 1941 hoda pa 9 maja 1945 hoda) i nabližajecca pa kolkaści dzion da Pieršaj suśvietnaj, što ciahnułasia 1567 dzion (28 lipienia 1914 — 11 listapada 1918).
Druhaja suśvietnaja ciahnułasia šeść hod i adzin dzień (1 vieraśnia 1939 — 2 vieraśnia 1945) — 2192 dni.
Siońnia Rasija abstralała Chierson.
Kala 08:30 rasijski bieśpiłotnik udaryŭ pa maršrutcy ŭ Dniaproŭskim rajonie. Papiarednie, paciarpieli piać čałaviek».
«U balnicu dastavili dziaŭčynu 19 hadoŭ, troch žančyn 68, 50 i 43 hadoŭ i troch mužčyn 71, 63 i 51 hoda. Va ŭsich paciarpiełych — vybuchovyja i zakrytyja čerapna-mazhavyja traŭmy, šmatlikija askołačnyja paranieńni ruk, noh, tułava», — adznačyŭ kiraŭnik haradskoj administracyi Jarasłaŭ Šańko.
Jašče paźniej jon udakładniŭ, što 51‑hadovy vadziciel aŭtobusa ŭ ciažkim stanie.
«Mužčyna atrymaŭ šmatlikija paranieńni brušnoj połaści i noh. Miedyki zmahajucca za jaho žyćcio. Astatnija 6 paciarpiełych — u stanie siaredniaj ciažkaści», — paviedamiŭ Šańko.
Ciapier čytajuć
Łukašenka vykazaŭsia pra deficyt miedykaŭ i prapanavaŭ im pracavać bolš2
Kamientary