Alaksandr Łukašenka ŭkazam ad 29 krasavika zaćvierdziŭ spravazdaču Nacyjanalnaha banka za 2012 hod. Hadavaja spravazdača ŭtrymlivaje infarmacyju pra dziejnaść hałoŭnaha banka krainy i jaho finansavuju spravazdačnaść.
Jak paviedamlaje pres-słužba prezidenta, hałoŭnymi vynikami hrašova-kredytnaj palityki ŭ 2012 hodzie stali značnaje zapavoleńnie inflacyjnych pracesaŭ, stabilizacyja situacyi na ŭnutranym valutnym rynku, ustojlivaść abmiennaha kursu nacyjanalnaj valuty. Pry svoječasovym vykanańni abaviazacielstvaŭ pierad unutranymi i źniešnimi kredytorami zachavany abjom zołatavalutnych reziervaŭ.
U spravazdačnym pieryjadzie było zabiaśpiečana stabilnaje funkcyjanavańnie bankaŭskaha siektara. Sukupny zarehistravany statutny fond bankaŭ na 1 studzienia 2013 hoda skłaŭ 29,8 trłn. rubloŭ i pavialičyŭsia za 2012 hod na 2,2 trłn., ci na 7,9%.
Aktyvy bankaŭskaha siektara na 1 studzienia 2013 hoda dasiahnuli 321,2 trłn. rubloŭ i pavialičylisia za 2012 hod na 61,8 trłn., ci na 23,8%.
Finansavaja spravazdačnaść utrymlivaje infarmacyju pra apieracyi, praviedzienyja Nacyjanalnym bankam u 2012 hodzie, u tym liku buchhałtarski bałans, spravazdačy ab prybytkach i stratach, źmianieńni ŭłasnaha kapitału, farmiravańnie i vykarystańnie fondaŭ, raschody na ŭtrymańnie Nacbanka, vykanańnie kaštarysu kapitalnych układańniaŭ, a taksama ab atrymanym prybytku i jaho raźmierkavańni.
Dakładnaść hadavoha buchhałtarskaha bałansu Nacyjanalnaha banka, spravazdačy ab prybytkach i stratach za 2012 hod, a taksama ŭkazanych spravazdač paćvierdžana mižnarodnaj aŭdytarskaj kampanijaj — zamiežnym tavarystvam z abmiežavanaj adkaznaściu "Ernst end Janh".
Ciapier čytajuć
Mihrancki kryzis, arhanizavany Łukašenkam, — usio? Voś što pakazvajuć ličby4
Kamientary