2 lipienia ŭ Hrodnie nie vyjšli na pracu pradprymalniki Centralnaha i Paŭdniovaha rynkaŭ, jakija handlujuć adzieńniem. Ich pratest, jak i pratest IP u inšych rehijonach Biełarusi, źviazany z uviadzieńniem 1 lipienia techrehłamientu Mytnaha sajuza, jaki praduhledžvaje abaviazkovuju siertyfikacyju tavaraŭ lohkaj pramysłovaści.
Jak paviedamiŭ BiełaPAN adzin z pradprymalnikaŭ, što handlujuć na Centralnym rynku, z ranicy niekalki handlaroŭ pasprabavali adkryć svaje ralety, adnak ubačyli, što ich kalehi nie vyjšli na pracu, i začynili svaje handlovyja punkty.
Papieradžalnaja zabastoŭka pradprymalnikaŭ prajšła ŭ Hrodnie 27 červienia, kali na pracu nie vyjšli bolš jak dźvie tysiačy handlaroŭ Centralnaha i Paŭdniovaha rynkaŭ. Nie pracavaŭ taksama kryty rynak «Karona».
Jašče raniej, 16 červienia, hrodzienskija pradprymalniki praviali pieršuju zabastoŭku. Tady ich dziejańni asudziŭ kiraŭnik abłasnoj arhanizacyi prafsajuza indyvidualnych pradprymalnikaŭ «Sadružnaść» Valancin Brancevič. Jon zajaviŭ, što zabastoŭka sarvała dyjałoh z uładami pa najbolš ciažkich siońniašnich prablemach, u pryvatnaści pa pytańni ŭviadzieńnia 1 lipienia abaviazkovaj siertyfikacyi.
Siońnia, užo kali rynki nie pracavali, Brancevič u kamientary BiełaPAN zajaviŭ, što «zabastoŭki ŭ horadzie niama». Pavodle jaho słoŭ, na 10 hadzin ranicy pracavali mnohija pradprymalniki Centralnaha i Paŭdniovaha rynkaŭ, a taksama rynak «Karona» i
Jak raniej paviedamlaŭ BiełaPAN, zabastoŭki pradprymalnikaŭ siońnia prachodziać taksama ŭ Minsku, Viciebsku, Baranavičach (Bresckaja vobłaść), Śvietłahorsku (Homielskaja vobłaść), Homieli.
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary