Šou, zasnavanaje na kancepcyi «pavolnaha telebačańnia», bje rekordy papularnaści ŭ Narviehii.
Jašče ŭ 2009 hodzie chitom siezona ŭ Narviehii stała prahrama Bergensbanen — žyvaja tranślacyja siamihadzinnaha pierajezdu na ciahniku z Osła ŭ Bierhien. Telekampanija NRK zrabiła jašče niekalki pieradač u hetym žanry i atrymała rekordnyja rejtynhi. Heta byli tranślacyi piacidzionnaha kruizu ŭzdoŭž zachodniaha ŭźbiarežža Narviehii, pajezdka na ciahniku ad Tronchiejma da Boda pad muzyku, a taksama «viečar hareńnia drovaŭ» i viečar viazańnia.
Hetuju kancepcyju nazvali «pavolnaje telebačańnie». Ciapier heta takaja ž nieadjemnaja častka sučasnaj narviežskaj kultury, jak kazki pra trolaŭ i katańnie na biehavych łyžach. Bolš za 3 młn z
«Viečar hareńnia drovaŭ», u tym liku niekalki hadzin nazirańnia za zhasańniem vuhaloŭ, sabraŭ bolš za 1 młn hledačoŭ.
«Spytajecie narviežcaŭ, čamu jany heta hladziać, — i, napeŭna, pačujecie saramlivy śmiašok dziciaci, jakoha zaśpieli za vyjhryšam u hulni, zabaronienaj baćkami», — piša časopis Time. «Pavolnaje telebačańnie» padmacoŭvaje vieru narviežcaŭ va ŭnikalnaść ich kultury. Cikava, što ŭ inšych skandynaŭskich krainach hety žanr nie pryžyŭsia.
Mark Ljuis znachodzić jašče adno tłumačeńnie: «čysta narviežski nieŭroz». Narviehija nieadnaznačna stavicca da svaich naftavych bahaćciaŭ, sumuje pa starych časach i prostych radaściach.
Pieradačy robiać amal hipnatyčny efiekt, časam niebiaśpiečny,zaŭvažaje žurnalist. Adzin hladač, jaki hladzieŭ kruiz, patelefanavaŭ na telebačańnie i paviedamiŭ, što na łajniery pažar. «Nasamreč hareła ŭ jaho na kuchni», — tłumačyć aŭtar.
Kamientary