Pavodle źviestak dynamaŭskaj pres-słužby, da kanca 2015 hoda zaklučany kantrakt z 27-hadovym abaroncam «Homiela» Siarhiejem Kancavym. Z 2004 pa 2007 hod futbalist užo abaraniaŭ kolery staličnaha kłuba. Zatym u jaho karjery byŭ mahiloŭski «Savit», žodzinskaje «Tarpieda», kazachstanski «Taboł» i «Homiel». U hetym siezonie Kancavy pravioŭ u składzie hamialčan 14 matčaŭ, u jakich zabiŭ dva miačy.
Na taki ž termin padpisana pahadnieńnie z 25-hadovym paŭabaroncam białhradskaha AFK i zbornaj Čarnahoryi Niemańjem Nikaličam. Jon źjaŭlajecca vychavancam «Crvieny Źviezdy», u składzie jakoj zhulaŭ 25 matčaŭ. Aprača taho, futbalist vysupaŭ za sierbskija kłuby «Złacibor Voda», «Spartak» (Subocica), a taksama za čarnahorski «Hrbal».
Aprača taho, «Dynama» damoviłasia ź sierbskim «Chajdukom» z Kuły ab arendzie napadajučaha Łazara Viesialinaviča. 26-hadovy forvard budzie vystupać za minskuju kamandu da kanca siezona, paśla čaho minčanie zmohuć vykupić tranśfiernyja pravy futbalista. U minułym siezonie Viesialinavič zabiŭ 17 miačoŭ u składzie «Chajduka», zaniaŭšy treciaje miesca ŭ śpisie bambardziraŭ čempijanatu Sierbii.
Raniej «Dynama» zaklučyła trochhadovy kantrakt ź inšym pradstaŭnikom «Chajduka» — 24-hadovym sierbskim paŭabaroncam Nianadam Adamavičam.
Niamiecki partał transfermarkt.de aceńvaje Viesialinaviča ŭ 500 tys. jeŭra, Nikaliča — u 750 tys. jeŭra, Kancavoha — u 500 tys. jeŭra.
Kamientary