Barysaŭskim rajonnym adździełam Śledčaha kamiteta Biełarusi zavieršana rasśledavańnie spravy pa artykule 139 Kryminalnaha kodeksa (zabojstva) u dačynieńni da 20-hadovaha žychara Barysava.
U Barysavie 3 krasavika ŭ pryvatnym domie z prykmietami hvałtoŭnaj śmierci byŭ znojdzieny trup 65-hadovaha haspadara. Nieŭzabavie byŭ zatrymany 20-hadovy ŭnuk piensijaniera, raniej sudzimy za kradziež.
Z materyjałaŭ kryminalnaj spravy vynikaje, što zatrymany ŭ vyniku svarki ź dziedam zadušyŭ apošniaha, a cieła schavaŭ u kanapu. Z metaj utojvańnia śladoŭ učynienaha złačynstva insceniravaŭ, što piensijanier pajšoŭ z doma.
Padčas śledstva abvinavačvany vinu pryznaŭ poŭnaściu i zhodna z zaklučeńniem sudova-miedycynskaj ekśpiertyzy pryznany śviadomym. Jamu pahražaje ad 6 da 15 hadoŭ pazbaŭleńnia voli.
Kamientary