Budynak, u jakim naradziłasia viadomaja špijonka, zhareŭ, pry hetym adzin čałaviek zahinuŭ. Pažar u Leŭvardenie byŭ nastolki mocny, z-za jakoha zhareŭ nie tolki dom, dzie ŭ 1876 h. naradziłasia Mata Chary, ale i jašče niekalki budynkaŭ z kramami adzieńnia.
Ad samaha doma, pierad jakim staić pomnik špijoncy, zastalisia ruiny. Padčas pažaru z usich pavierchaŭ valiŭ husty čorny dym. Pažarnyja bolš za hadzinu tušyli ŭzharańnie pienaj, adnak vyratavać histaryčnuju pabudovu nie ŭdałosia.
Marharet Hiertruda Ziele — tak nazvali špijonku baćki — naradziłasia ŭ hetym domie ŭ 1876 h. Tam ža ŭ Leŭvardenie jaje baćka trymaŭ kramu kapielušoŭ. Paźniej u Francyi paśla niaŭdałaha šlubu Ziele ŭziała sabie novaje imia — Mata Chary.
U 1917 h. jaje rasstralali pa abvinavačvańni ŭ špijanažy. Zabalzamavanuju hałavu špijonki pieradali ŭ paryžski Muziej anatomii, paźniej jana była skradziena nieviadomymi.
Kamientary