Jon upisaŭ svajo imia ŭ historyju Polščy nazaŭždy i źmianiŭ historyju Jeŭropy, piša Wyborcza.
Jon byŭ pieršym premjer-ministram Treciaj respubliki, kavaleram ordena Biełaha Arła, zasnavalnikam i kiraŭnikom pieršaha Demakratyčnaha Sajuza, a zatym Sajuza volnaści. Tadevušu Mazavieckamu było 86 hadoŭ.
Tadevuš Mazaviecki naradziŭsia 18 krasavika 1927 h. u Płocku.
Skončyŭ jurydyčny fakultet Varšaŭskaha univiersiteta, adnak jurystam nie pracavaŭ, a adrazu zaniaŭsia publicystykaj. U 1950 h. pačaŭ pracavać u katalickim štotydnioviku va Urocłavie, zajmaŭsia pytańniami moładzi. Uvachodziŭ u katalickuju arhanizacyju «Znak», jakaja ŭ 1968 h. była arhanizataram studenckich demanstracyj. U 1970-ch padtrymlivaŭ kantakty ź nielehalnym Kamitetam abarony rabočych. Byŭ paplečnikam Valensy ŭ «Salidarnaści».
U žniŭni 1980 h. staŭ inicyjataram lista hrupy intelektuałaŭ i padtrymku bastujučych rabočych uźbiarežža. Byŭ daradcam prafsajuza «Salidarnaść», a ŭ 1981 h. zaniaŭ pasadu hałoŭnaha redaktara «Tygodnik Solidarnosc».
Paśla ŭviadzieńnia vajennaha stanovišča ŭ śniežni 1981 h. byŭ internavany.
U červieni 1989 byŭ abrany ŭ Sojm. U žniŭni taho ž hoda byŭ vyłučany ŭ jakaści adnaho z kandydataŭ na pasadu kiraŭnika polskaha ŭrada, jak pasiarednika pamiž Valensam i prychilnikami Jaruzielskaha.
18 žniŭnia 1989 h. prezident Polščy hienierał Vojciech Jaruzelski pryniaŭ Tadevuša Mazavieckaha ŭ supravadžeńni kardynała Juzefa Hłempa i lidara kiroŭnaj PARP Miečysłava Rakoŭskaha.
Na nastupny dzień, 19 žniŭnia, Jaruzelski pryniaŭ adstaŭku hienierała Kiščaka, kandydaturu jakoha nie patrymaŭ Siejm, i pryznačyŭ Staršynioj Savieta Ministraŭ Polskaj Narodnaj Respubliki Tadevuša Mazavieckaha.
7 vieraśnia Tadevuš Mazaviecki sfarmavaŭ pieršy niekamunistyčny ŭrad Polščy. U im 11 pasad zaniali pradstaŭniki «Salidarnaści», 4 pasady — PARP, 4 pasady — Abjadnanaja sialanskaja partyja, 3 — Demakratyčnaja partyja, i 1 — Salidarnaść sialan-adnaasobnikaŭ.
U svajoj pieršaj pramovie pierad Sojmam Mazaviecki zajaviŭ, što doŭhaterminovaj stratehičnaj metaj kabinieta stanie «viartańnie da rynkavaj ekanomiki i źmianieńnie roli dziaržavy ŭ haspadarčaj śfiery».
Pieršaj zamiežnaj pajezdkaj Tadevuša Mazavieckaha staŭ nie tradycyjny vizit u Maskvu, a pajezdka ŭ Italiju, dzie 20 kastryčnika 1989 hoda jon naviedaŭ Vatykan i byŭ pryniaty papam Janam Paŭłam II.
Na prezidenckich vybarach 1990 h. zaniaŭ 3-je miesca, a zatym, 4 studzienia 1991 h., padaŭ u adstaŭku z pasady premjera. U 1990 h. adyšoŭ ad «Salidarnaści» i zasnavaŭ Demakratyčny sajuz.
U 1997 hodzie Tadevuš Mazaviecki napisaŭ preambułu Polskaj Kanstytucyi.
Apošnipm časam Mazaviecki byŭ daradcam prezidenta Kamaroŭskaha, dadaje Wyborcza.
Havoračy pra dekamunizacyju, Mazaviecki adznačaŭ, što ŭ Polščy ŭdałosia dekamunizavać sistemu. A dekamunizacyju ludziej jon ličyŭ «palavańniem na viadźmarak».
Kali Kanapackaja stała całkam padkantrolnaja Łukašenku?22
Kamientary