Ён упісаў сваё імя ў гісторыю Польшчы назаўжды і змяніў гісторыю Еўропы, піша Wyborcza.
Ён быў першым прэм'ер-міністрам Трэцяй рэспублікі, кавалерам ордэна Белага Арла, заснавальнікам і кіраўніком першага Дэмакратычнага Саюза, а затым Саюза вольнасці. Тадэвушу Мазавецкаму было 86 гадоў.
Тадэвуш Мазавецкі нарадзіўся 18 красавіка 1927 г. у Плоцку.
Скончыў юрыдычны факультэт Варшаўскага універсітэта, аднак юрыстам не працаваў, а адразу заняўся публіцыстыкай. У 1950 г. пачаў працаваць у каталіцкім штотыднёвіку ва Уроцлаве, займаўся пытаннямі моладзі. Уваходзіў у каталіцкую арганізацыю «Знак», якая ў 1968 г. была арганізатарам студэнцкіх дэманстрацый. У 1970-х падтрымліваў кантакты з нелегальным Камітэтам абароны рабочых. Быў паплечнікам Валенсы ў «Салідарнасці».
У жніўні 1980 г. стаў ініцыятарам ліста групы інтэлектуалаў і падтрымку бастуючых рабочых узбярэжжа. Быў дарадцам прафсаюза «Салідарнасць», а ў 1981 г. заняў пасаду галоўнага рэдактара «Tygodnik Solidarnosc».
Пасля ўвядзення ваеннага становішча ў снежні 1981 г. быў інтэрнаваны.
У чэрвені 1989 быў абраны ў Сойм. У жніўні таго ж года быў вылучаны ў якасці аднаго з кандыдатаў на пасаду кіраўніка польскага ўрада, як пасярэдніка паміж Валенсам і прыхільнікамі Ярузельскага.
18 жніўня 1989 г. прэзідэнт Польшчы генерал Войцех Ярузэльскі прыняў Тадэвуша Мазавецкага ў суправаджэнні кардынала Юзэфа Глэмпа і лідара кіроўнай ПАРП Мечыслава Ракоўскага.
На наступны дзень, 19 жніўня, Ярузэльскі прыняў адстаўку генерала Кішчака, кандыдатуру якога не патрымаў Сейм, і прызначыў Старшынёй Савета Міністраў Польскай Народнай Рэспублікі Тадэвуша Мазавецкага.
7 верасня Тадэвуш Мазавецкі сфармаваў першы некамуністычны ўрад Польшчы. У ім 11 пасад занялі прадстаўнікі «Салідарнасці», 4 пасады — ПАРП, 4 пасады — Аб'яднаная сялянская партыя, 3 — Дэмакратычная партыя, і 1 — Салідарнасць сялян-аднаасобнікаў.
У сваёй першай прамове перад Соймам Мазавецкі заявіў, што доўгатэрміновай стратэгічнай мэтай кабінета стане «вяртанне да рынкавай эканомікі і змяненне ролі дзяржавы ў гаспадарчай сферы».
Першай замежнай паездкай Тадэвуша Мазавецкага стаў не традыцыйны візіт у Маскву, а паездка ў Італію, дзе 20 кастрычніка 1989 года ён наведаў Ватыкан і быў прыняты папам Янам Паўлам II.
На прэзідэнцкіх выбарах 1990 г. заняў 3-е месца, а затым, 4 студзеня 1991 г., падаў у адстаўку з пасады прэм'ера. У 1990 г. адышоў ад «Салідарнасці» і заснаваў Дэмакратычны саюз.
У 1997 годзе Тадэвуш Мазавецкі напісаў прэамбулу Польскай Канстытуцыі.
Апошніпм часам Мазавецкі быў дарадцам прэзідэнта Камароўскага, дадае Wyborcza.
Гаворачы пра дэкамунізацыю, Мазавецкі адзначаў, што ў Польшчы ўдалося дэкамунізаваць сістэму. А дэкамунізацыю людзей ён лічыў «паляваннем на вядзьмарак».
Калі Канапацкая стала цалкам падкантрольная Лукашэнку?22
Каментары