Były The Beatles Poł Makartni napisaŭ Uładzimiru Pucinu list z prośbaj vyzvalić fihurantaŭ spravy Greenpeace, što ŭ vieraśni pikietavali płatformu «Pryrazłomnaja» ŭ Piačorskim mory i byli aryštavanyja.
Tekst lista apublikavany na muzyčnym partale Quai Baco.
«Ja pišu vam, kab zapeŭnić, što Greenpeace, jaki ja viedaju, ni ŭ jakim razie nie źjaŭlajecca antyruskaj arhanizacyjaj. Zychodziačy z ułasnaha dośviedu, mahu zajavić, što ŭ ich jość zvyčka dastavać ŭsie ŭrady! I jany nikoli nie atrymlivali nijakich hrošaj ad nivodnaha z uradaŭ abo kampanij u śviecie», — piša śpiavak.
Makartni padkreślivaje, što Greenpeace zaŭsiody dziejničaje mirnymi srodkami.
U liście Pucinu jon zhadvaje ab napisanaj im 45 hadoŭ tamu pieśni Back In The USSR, u jakoj jość radok Been away so long I hardly knew the place, gee it's good to be back home («Budučy ŭ adjeździe tak daloka, što ŭžo i nie viedaŭ dzie, jak ža ja rady viarnucca dadomu».
«Nie mahli b vy zrabić tak, kab heta stała praŭdaj dla źniavolenych z Greenpeace?» — źviartajecca da rasijskaha prezidenta Makartni.
Raniej Poł Makartni pisaŭ rasijskim čynoŭnikam list u padtrymku udzielnic Pussy Riot Maryi Alochinaj i Nadziei Tałakońnikavaj.
Ciapier čytajuć
Na Dzień Voli i dzień inaŭhuracyi Łukašenki ŭ Biełarusi abmiažujuć internet8
Kamientary