Rumynskija ŭłady try hady davali datacyi na fiermu z «Fejsbuka»
Amal $700 tysiač vydzieliŭ urad Rumynii amataram papularnaj hulni Farmville, jakaja imituje raźvićcio ŭłasnaj fiermy.
Ułady ličyli, što hrošy pryznačalisia na padtrymku realnaha «chatniaha pradpryjemstva».
Pavodle brytanskaha vydańnia Metro, «fiermieram» atrymali za try hady dziaržaŭnych datacyj na $681 tys.
Ašukancy zajaŭlali, što na vaśmi svaich fiermach utrymlivajuć 1860 karoŭ, patrabujučy subsidyi ŭ $163 na kožnuju žyviołu.
Pry hetym, złamyśniki śćviardžajuć, što ŭ pieršapačatkovaj zajaŭcy jany prasili hrošaj mienavita na raźvićcio fiermy ŭ Farmville, a nie na realnaje sielskahaspadarčaje pradpryjemstva. Złačynnuju schiemu ŭdałosia raskryć tolki ŭ žniŭni hetaha hoda.
Ašukancy skarystalisia dziaržaŭnaj prahramaj, raźličanaj na dapamohu małomu i siaredniamu biźniesu i adnaŭleńnie sielskahaspadarčych rehijonaŭ.
Srodki vyłučalisia z fondaŭ ES. Złačyncy mieli na rukach usie papiery na falšyvych žyvioł. Zrešty, dla prachodžańnia miedahladu jany nabyli i niekalki sapraŭdnych karoŭ.
Paśla taho, jak vypłaty spynilisia, ašukancy padali ŭ sud na ŭłady Rumynii, nazyvajučy svoj biźnies całkam lehalnym.
Kali inśpiektar zapatrabavaŭ pradjavić karoŭ, pazoŭniki adkazali, što pavodle rumynskich zakonaŭ jany nie abaviazanyja heta rabić.
Farmville dla «Fejsbuka» — adna z samych papularnych siońnia kampjuternych hulniaŭ u sacsietkach.
Taćciana Zareckaja bolš nie estonskaja startapierka. Ciapier jana sprabuje stać pasiarednicaj inviestaraŭ u Saudaŭskaj Aravii13
Kamientary