Zasnavalniki bijatech-startapa Colossal Biosciences, pradprymalnik Ben Łam i hienietyk Harvardskaha ŭniviersiteta Džordž Čorč, majuć namier viarnuć da žyćcia vymierłyja vidy žyvioł, uklučajučy šarścistych mamantaŭ, ptušku dado i sumčatych vaŭkoŭ. Pra heta piša Bloomberg.
Startap płanuje pakazać pieršaje mamanciania da kanca 2028 hoda. Dla hetaha kamanda vykarystoŭvaje hieny, uziatyja z zamarožanych pareštkaŭ mamantaŭ, i ŭkaraniaje ich u kletki indyjskich słanoŭ. Vynašanaja słanichaj asobina budzie znachodzicca pad nahladam u śpiecyjalizavanym zapaviedniku.
Dziela realizacyi hetaj mety Colossal Biosciences abviaściŭ pra pryciahnieńnie 200 młn dalaraŭ ad inviestkampanii TWG Global.
Adnak niekatoryja navukoŭcy sumniavajucca, ci možna ličyć takich asobin sapraŭdnymi mamantami, i papiaredžvajuć pra mahčymyja ryzyki dla pryrody. Paleantołah Čarlz Flesa z Univiersiteta Aryzony padkreśliŭ, što płošča arktyčnaj tundry — naturalnaha asiarodździa pražyvańnia mamantaŭ — skaračajecca, a adradžeńnie vidu moža pryvieści da niečakanych ekałahičnych nastupstvaŭ.
Adnak Colossal śćviardžaje, što budzie stroha kantralavać adaptacyju žyvioł u bijaachoŭnaj zonie.
Kamientary
Hučyć jak pačatak halivudskaha filma-katastrofy.