List čytača: studenckija internaty nie pavinny być kazarmami
Šeść hadoŭ tamu, 20 listapada 2007-ha, upaŭ z vadaściokavaj truby i raźbiŭsia naśmierć student 4 hoda fakulteta fizvychavańnia HDU 20-hadovy Źmicier Hrybušenka, adziny syn u maci.
Chłopiec prypaźniŭsia ŭ internat pa vulicy Savieckaj, 83a, dźviery, naturalna, nie adčynili, i jon chacieŭ viarnucca tym čynam, jaki akazaŭsia fatalnym. Tady sprava nabyła viały rozhałas i nijakaj reakcyi nie było (ci jaje ad nas schavali).
I voś čytaju znoŭ pra prykładna taki ž vypadak u tym ža Homieli: raźbiŭsia 21-hadovy junak, student HDU 4-ha hoda navučańnia na toj ža Savieckaj vulicy pry prykładna takich ža akaličnaściach. U «Našaj Nivie» (№42) jaho nazvali niebarakam.
Sam padychod da trahiedyi maładych ludziej vyklikaje abureńnie. Što studenckija internaty pieratvorany ŭ kazarmy — heta fakt. Čamu b nie kałupnuć takija trahiedyi hłybiej? Čamu isnujuć takija paradki, što zmušajuć maładych ludziej da ryzykoŭnych dziejańniaŭ, što viaduć da trahiedyi?
Niekalki hadoŭ tamu ŭ Hrecyi padčas demanstracyi ad vypadkovaj rykašetnaj kuli zahinuŭ junak, i heta dało padstavu tut ža vykinuć łozunh «Dziaržava zabivaje» i pastavić na vušy paŭkrainy, hareli aŭto i ŭ palicyju lacieli plaški-mołataŭki.. Palicyja apraŭdvałasia.
Pamiatajučy słovy Lenina, što «hazieta nie tolki kalektyŭny prapahandyst, ale i kalektyŭny arhanizatar», prapanuju padrabiaźniej razabracca z pryčynami hibieli maładych ludziej u Homieli i zaklikać da aktyŭnych dziejańniaŭ supraćdziejańnia ździekam sa studentaŭ.
-
«Jak možna raźvivacca ŭ takoj sistemie?» Ekanamist krytykuje madeli, jakija ličylisia ŭzoram paśpiachovaści
-
Jakija vybary, takija i scenary. Čamu adrazu dva sparynh-partniory Łukašenki źniali svaju kandydaturu
-
Opcyi admaŭčacca ŭ spartsmienaŭ bolš niama. Ciapier nie tolki «nada», ale i pa pieršym ščaŭčku
Bondarava zachacieła dvuchmoŭja, jak u Finlandyi. My taksama za4
Kamientary