Zamiežny doŭh Biełarusi dasiahnuŭ $37 młrd

Vałavy źniešni doŭh Biełarusi pavialičyŭsia z pačatku 2013 hoda na 3 młrd. 332,2 młn. dołaraŭ, ci 9,8%, i na 1 kastryčnika skłaŭ 37 młrd. 98,2 młn. dołaraŭ ZŠA.

Adnosna VUP biahučaja suma doŭha skłała 54,9% suprać 53,5% VUP na 1 studzienia.

Jak paviedamili ŭ Nacyjanalnym banku, u trecim kvartale vałavy źniešni doŭh vyras na 1 młrd. 883,3 młn., ci 5,3%.

Źniešni doŭh orhanaŭ dziaržaŭnaha kiravańnia vyras z pačatku hoda na 325,4 młn. dołaraŭ, ci na 2,6%, i na 1 kastryčnika 2013 hoda skłaŭ 12 młrd. 894 młn. (19,1% da VUP).

Doŭh orhanaŭ hrašova-kredytnaha rehulavańnia vyras na 287,2 młn. dołaraŭ, ci na 65,4% z pačatku hoda, i skłaŭ 726,1 młn. dołaraŭ.

Biełaruskija banki pavialičyli źniešni doŭh za try kvartały 2013 hoda na 1 młrd. 740,2 młn. dołaraŭ, ci na 28%, da 7 młrd. 947,1 młn. na 1 kastryčnika 2013 hoda.

Vałavy źniešni doŭh inšych siektaraŭ na 1 kastryčnika 2013 hoda skłaŭ 14 młrd. 63,8 młn. dołaraŭ, pavialičyŭšysia na 689,5 młn. dołaraŭ, ci na 5,2% z pačatku hoda.

U raźliku na dušu nasielnictva vałavy źniešni doŭh vyras na 351,3 dołara z pačatku hoda i na 1 kastryčnika 2013 hoda skłaŭ 3.919,5 dołara ZŠA suprać 3.568,2 dołara na pačatak hoda.

Na absłuhoŭvańnie vałavoha źniešniaha doŭhu Biełarusi ŭ studzieni—vieraśni 2013 hoda nakiravana 4 młrd. 532,6 młn. dołaraŭ, što skłała 8,8% VUP, ci 13,6% ekspartu tavaraŭ i pasłuh.

U tym liku płaciažy pa asnoŭnym doŭhu skłali 3 młrd. 546,4 młn. dołaraŭ, płaciažy pa pracentach — 986,2 młn. dołaraŭ.

Na absłuhoŭvańnie źniešniaha doŭhu orhanaŭ dziaržkiravańnia za try kvartały zraschodavana 1 młrd. 763,5 młn. dołaraŭ ZŠA, ź ich 1 młrd. 366,5 młn. — na pahašeńnie asnoŭnaha doŭhu, 397 młn. dołaraŭ — na vypłaty pracentaŭ.

Vałavy źniešni doŭh Biełarusi ŭjaŭlaje saboj niavypłačanuju sumu faktyčnych biahučych i nieabumoŭlenych abaviazacielstvaŭ, jakaja patrabuje vypłaty asnoŭnaha doŭhu i/abo pracentaŭ debitoram u nastupny pieryjad času i ŭjaŭlaje saboj abaviazacielstvy rezidentaŭ Biełarusi pierad nierezidentami.

Vałavy źniešni doŭh uklučaje ŭ siabie doŭh orhanaŭ dziaržaŭnaha kiravańnia, orhanaŭ hrašova-kredytnaha rehulavańnia, bankaŭ i inšych siektaraŭ ekanomiki.

• 0
• 0
• 0
• 0
• 0
• 0