Pačatkovy košt prodažu pałaca — krychu bolš za paŭmiljarda rubloŭ.
Napiaredadni Novaha hoda — 30 śniežnia — u Breście adbuducca tarhi pa prodažy pomnika architektury kłasicyzmu XVIII—XIX st., byłoha pałaca Radziviłaŭ u vioscy Pałanečka z parkam vakoł. Pałanečka znachodzicca kala Baranavič.
— Vializny dvuchpaviarchovy pałac, dzie była ŭ saviecki čas škoła, nie vykarystoŭvajecca z 1998—99 hadoŭ, kali školnikaŭ pieraviali vučycca ŭ bolš sučasny budynak, — raskazała haziecie «Inteks-pres» dyrektarka škoły ŭ Pałanečcy Halina Anančyk. — Vyhlad u byłoha pałaca siońnia ŭbohi. Niama šybaŭ, dźviarej. Pałac pieratvaryŭsia ŭ miesca dla hulni miascovych dzietak. A z druhoha boku, staŭ miescam pałomnictva turystaŭ. Bo praz naša miastečka turysty prajazdžajuć u Niaśviž i Mir i spyniajucca tut ahladać słavutaść. Turysty narakajuć na jaho drenny stan, a arhanizatary turaŭ, jak pahavorvajuć, chočuć kupić pałac i adnavić.
U svoj čas pałacava-parkavy ansambl składaŭsia z doma ź flihielami, ujaznoj bramy, kaplicy-pachavalni, młyna, aranžarei, parka z redkimi parodami drevaŭ i stavami.
Kupcu dazvolać adrestaŭravać pałac pad abjekt handlu, hramadskaha charčavańnia abo pasłuh. Budučy ŭładalnik budzie abaviazany zaklučyć damovu na raspracoŭku prajektna-kaštarysnaj dakumientacyi na rekanstrukcyju abjekta na praciahu 45 dzion z daty padpisańnia akta pryjomu-pieradačy i pravieści jaho rekanstrukcyju ŭ praduhledžanyja prajektna-kaštarysnaj dakumientacyjaj terminy.
Ciapier čytajuć
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu2
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu
Statkievič: Lidary ruchu za demakratyju pavinny zastavacca ŭ krainie, navat kali košt hetaha vialiki. Dyjaspara moža adyhrać tolki dapamožnuju rolu5656
Kamientary