U navahodni tydzień budzie nie pa siezonie ciopła

Na hetym tydni pa-raniejšamu nie pa siezonie budzie ciopła, paviedamiŭ načalnik słužby hidramietearałahičnych prahnozaŭ Respublikanskaha hidramieteacentra Dźmitryj Rabaŭ 30 śniežnia padčas videabryfinhu. 

«U kancy hetaha hoda i ŭ pačatku novaha istotnych źmienaŭ u nadvorji nie adbudziecca. Siaredniaja sutačnaja tempieratura čakajecca na 3—6°S vyšej za normu. Adziny plus, što aktyŭnych cykłonaŭ i ŭrahanaŭ nie čakajecca», — adznačyŭ sinoptyk. 

Pavodle jaho słoŭ, u pačatku tydnia ŭmovy nadvorja budzie vyznačać vobłaść pavyšanaha atmaśfiernaha cisku, sfarmiravanaha ŭ vilhotnaj pavietranaj masie. 

U aŭtorak, 31 śniežnia, u asobnych rajonach nievialikija apadki (doždž, mokry śnieh). Miescami tuman, słaby hałalod, na darohach hałalodzica. Tempieratura pavietra na praciahu sutak minus 3°S — plus 3°S, nočču pry prajaśnieńniach minus 4—6°S. 

U sieradu ŭ asobnych rajonach nievialikija apadki (mokry śnieh, doždž), tuman, hałalod, na darohach hałalodzica. Tempieratura pavietra nočču minus 5°S — plus 1°S, dniom minus 3°S — plus 3°S. 

«U čaćvier i piatnicu na fonie pavyšanaha atmaśfiernaha cisku buduć pieramiaščacca słaba vyjaŭlenyja frantalnyja padzieły ad dalokich cykłonaŭ u Narviežskim mory», — adznačyŭ Rabaŭ. 

U čaćvier miescami karotkačasovyja apadki, hałoŭnym čynam śnieh, mokry śnieh, tuman, hałalod, na darohach hałalodzica. Tempieratura pavietra nočču minus 5°S — plus 1°S, dniom minus 3°S — plus 2°S. 

U piatnicu ŭ asobnych rajonach nievialiki śnieh. Tempieratura pavietra nočču 0°S — minus 5°S, dniom minus 3°S — plus 2°S. 

U subotu miescami śnieh, mokry śnieh, dniom z daždžom, tuman, hałalod, na darohach hałalodzica. Tempieratura pavietra nočču minus 4°S — plus 1°S, dniom minus 2°S— plus 3°S. 

U niadzielu miescami karotkačasovyja apadki (mokry śnieh, doždž), tuman, hałalod, na darohach hałalodzica. Tempieratura pavietra nočču minus 4°S — plus 2°S, dniom minus 2°S — plus 4°S. 

U Minsku ŭ najbližejšyja sutki pachmurna z prajaśnieńniami, bieź istotnych apadkaŭ. Miescami słaby tuman, na asobnych učastkach daroh hałalodzica. Viecier paŭdniova-zachodni 3—8 m/s. Tempieratura pavietra nočču 0°S — minus 2°S, dniom 0°S — plus 2°S. 

U navahodniuju noč minus 1°S — minus 3°S, dniom 0°S — minus 2°S, mahčymy nievialikija apadki ŭ vyhladzie mokraha śniehu.

• 0
• 0
• 0
• 0
• 0
• 0
• 0
• 0