Apazicyjnyja lidary Ukrainy zajavili, što Majdan nie razychodzicca paśla Kaladaŭ, i jon budzie nie prosta stajać, ale i dziejničać. Pra heta zajavili na pres-kanfierencyi Vitalij Kličko, Aleh Ciahnibok i Arsień Jacaniuk.
«Kali ŭłada nie choča nas čuć, budziem zaklikać da strajku. Kab jany pačuli. Pieršy budzie papieradžalny strajk. Na niekatory karotki čas. Kali spynicca vytvorčaść, spynicca transpart. Dzie na niekalki chvilin, a moža być dzie na niekalki hadzin. Ułada pavinna adreahavać na patrabavańni ludziej», — skazaŭ Vitalij Kličko.
Narodnaje vieča, jakoje zvyčajna abjadnoŭvała sotni tysiač ludziej, apazicyja admianiła z-za kaladnych śviataŭ, ale zapeŭnivaje, što tak było tolki ŭ hetuju niadzielu. U dalejšym palityki abiacajuć mabilizavać ludziej na masavyja mierapryjemstvy.
Ministr kultury vyciahnuŭ u efir čarhovaha Astapa Bendara. I heta stała apošniaj kroplaj: suprać hetaha fiermiera-chvalka vystupiła siamja5
Kamientary