U elitnaj vioscy Łaparavičy pad Minskam pradajuć dom za $2,1 miljona. Bonusam zornyja susiedzi — Domračava i Hleb
Haspadar — działok, blizki da Viktara Šejmana.
Dvuchpaviarchovy dom płoščaj 500 kvadrataŭ budavali zhodna z trendami 2019 hoda — «cichaja raskoša» jak jana jość.
Na pieršym paviersie — haścinaja. Ščodraje śviatło navat u samy pachmurny dzień tut zabiaśpiečvajuć vializarnyja vokny (vyšynia ich bolš za 3,2 mietra).
Dyzajniery, jakija pracavali nad prajektam, hramatna pradumali, jak raźbić 150‑mietrovuju prastoru na funkcyjanalnyja zony: haścinuju, kuchniu dy stałovuju. Na pieršym ža paviersie znachodzicca i pracoŭny kabiniet.
Ścieny, što imitujuć chałodny bieton i skalnuju parodu, vystupajuć niejtralnym fonam dla jarkaj miakkaj mebli.
Na druhim paviersie 40‑mietrovy choł złučaje try spalni. Pa zdymkach možna pabačyć, što adna ź ich advodziłasia pad dziciačy pakoj. Mebli tut niašmat, tamu budučy ŭłaśnik maje mahčymaść nabyć usio pad ułasny hust.
Ale hałoŭnaja fišačka druhoha paviercha — pakoj, jaki možna vykarystoŭvać ci jak zimni sad, ci jak ułasnuju trenažornuju zału. Adtul adkryvajecca šykoŭny vid na Minskaje mora.
Płošča samoha ŭčastka — 15 sotak. Nad im papracavaŭ łandšaftny dyzajnier. Tut možna pabačyć redkija nasadžeńni. Asablivaj uvahi zasłuhoŭvaje spa-zona z barbiekiu i aciaplanym kampazitnym basiejnam.
Prosiać za takuju viłu $2,1 miljona. Nievidavočny bonus — zornaja kampanija susiedziaŭ. Pobač nieruchomaść majuć alimpijskija čempijony Darja Domračava i Siarhiej Novikaŭ, staršynia Biełaruskaj fiederacyi bijatłona Andryjan Cybulski, a taksama futbalisty — lehienda barysaŭskaha BATE Vital Radzivonaŭ, trenier zbornaj Biełarusi Viktar Hančarenka i najlepšy futbalist u historyi Biełarusi Alaksandr Hleb.
A voś sam haspadar — niepubličnaja piersona. Pa infarmacyi Belpol, heta 34‑hadovy Juryj Kruk. Jon dyrektar Mižrehijanalnaha drabilna-sarcirovačnaha zavoda, zasnavalnica jakoha — maładaja žonka Viktara Šejmana.
U siaredzinie 2010‑ch Kruka schapiŭ HUBAZiK. Jamu inkryminavali vymahalnictva, prymus da vypłaty pazyk, a taksama narkotyki. Ale ŭ vyniku chłopiec atrymaŭ usiaho 2 hady «chimii».
Jak Kruk trapiŭ na vulicu Spartyŭnuju ŭ Łaparavičach pasiarod elitnych spartsmienaŭ, niezrazumieła.
U Drazdach vystavili na prodaž katedž z rekordnaj canoj — $7,5 miljona ŠMAT FOTA
Alimpijski pryzior Daščynski pradaje dom kala Drazdoŭ. Jak vam interjery?
Zdajuć u arendu katedž zahinułaha chakieista Cypłakova ŭ Drazdach. Voś interjery FOTY
Viktoryja Azaranka zdaje dom u Drazdach. Jak vam interjery? FOTY
Kamientary