Nacbank praciahnuŭ termin padpisańnia pahadnieńniaŭ z klijentami ab damovach kart-rachunku
Jašče na hod, da 31 śniežnia 2014 hoda, praciahnuty termin dla padpisańnia pamiž bankami i klijentami dadatkovych pahadnieńniaŭ da damovaŭ kart-rachunku ŭ suviazi z vyklučeńniem z zakanadaŭstva terminu «kart-rachunak».
Adpaviednyja źmianieńni ŭniesieny ŭ pastanovu praŭleńnia Nacyjanalnaha banka Biełarusi ad 18 studzienia 2013 hoda № 34 «Ab zaćviardžeńni Instrukcyi ab paradku ažyćciaŭleńnia apieracyj z bankaŭskimi płaciežnymi kartkami».
Jak paviedamlałasia raniej, hetym dakumientam było daručana bankam da 31 śniežnia 2013 hoda pravieści rabotu z klijentami pa zaklučeńni dadatkovych pahadnieńniaŭ da dahavoraŭ kart-rachunku dla pryviadzieńnia ich u adpaviednaść z zakanadaŭstvam.
Pres-słužba Nacbanka infarmuje, što «peŭnaja praca z klijentami była praviedziena».
Razam z tym, zhodna z dadzienaj bankami Nacbanku infarmacyjaj, niahledziačy na praviedzienyja mierapryjemstvy, kolkaść adkrytych fizičnymi asobami rachunkaŭ, dadatkovyja pahadnieńni pa jakich nie zaklučanyja da kanca 2013 hoda, zastajecca vielmi značnaj — bolš čym 2 młn. rachunkaŭ.
Kolkaść rachunkaŭ, pa jakich dadatkovyja pahadnieńni nie zaklučanyja, abumoŭlena najaŭnaściu ŭ partfielach bankaŭ «Aščadnych» i «Ahrarnych» bankaŭskich płaciežnych kartak, vydadzienych da rachunkaŭ z naličeńniem pavyšanaha dachodu i pryznačanych u bolšaj stupieni dla nakapleńnia hrašovych srodkaŭ. Apieracyi pa takich rachunkach (akramia naličeńnia pracentaŭ), jak praviła, na praciahu doŭhaha času adsutničajuć.
Prymajučy da ŭvahi zvaroty bankaŭ, što pastupili ŭ Nacbank, ab niemahčymaści dalejšaha vykarystańnia bankaŭskich płaciežnych kartak klijentami, jakija nie aformili dadatkovyja pahadnieńni da 31 śniežnia 2013 hoda, a taksama istotny abjom raboty, źviazany z zaklučeńniem adpaviednych pahadnieńniaŭ, i dadzieny dadatkovy čas terminam na adzin hod dla vyrašeńnia hetaha pytańnia.
U suviazi z hetym Nacbank jašče raz nahadvaje trymalnikam bankaŭskich płaciežnych kartak, jakija nie zaklučyli dadatkovyja pahadnieńni da damovaŭ kart-rachunku, ab nieabchodnaści ažyćciaŭleńnia hetaj apieracyi da kanca 2014 hoda.
Padrabiaznuju infarmacyju pa hetym pytańni metazhodna ŭdakładnić u banku, jaki vydaŭ bankaŭskuju płaciežnuju kartku.
Kamientary